სერია A-ს 30-ე ტურში "ნაპოლი ტრავმირებული ხვიჩა კვარაცხელიას გარეშე საკუთარ მოედანზე "ატალანტასთან" 0:3 დამარცხდა. ნამატჩევს DAZN-თან კომენტარი ნეაპოლური გუნდის მწვრთნელმა ფრანჩესკო კალცონამ გააკეთა:
„მეტოქემ კარგად ითამაშა, ჩვენ კი ბევრი ნაკლი გვქონდა, განსაკუთრებით როდესაც ბურთის გარეშე ვიყავით. დაცვა ცუდად გაისარჯა. ჩემპიონთა ლიგაზე გასვლის შესაძლებლობა მინიმუმამდე შეგვიმცირდა, თუმცა წინ უნდა ვიყუროთ და სეზონის ღირსეულად დასრულებას შევეცადოთ.
ბევრი რამ გამოსასწორებელია, პრობლემა მხოლოდ დაცვას არ შეეხება. ორგანიზებულობა გვაკლია. "ინტერთან" უკეთესად ვიასპარეზეთ, თუმცა დღეს ოთხი მომენტი შევქმენით. ფიზიკურად ასეთ ძლიერ გუნდებთან სრული მობილიზაციის გარეშე წარმატების მიღწევა
რთულია. რატომაა ამხელა სხვაობა გასულ წელთან შედარებით? სამი მწვრთნელი გამოიცვალა, მათ მშვიდ ვითარებაში მუშაობის საშუალება არ მიეცათ და ცოტა რამის შეცვლა შეძლეს. განსხვავება უზარმაზარია და რაიმეს გაკეთება შეუძლებელია.
რატომ დავაყენე რასპადორი კვარაცხელიას ნაცვლად მარცხენა ფლანგზე? ის კარგად ვარჯიშობს. გასაგებია, უფრო ცენტრში ურჩევნია თამაში, მაგრამ გადაწყვეტილება შექმნილი ვითარებიდან გამომდინარე მივიღე“.
კვარაცხელიას გარეშე - უსახური "ნაპოლი" "სახლში "ატალანტასთან" განადგურდა
