გავლენიანი და სანდო იტალიელი სპორტული ჟურნალისტის ფაბრიციო რომანოს ინფორმაციით, "ნაპოლი" ზაფხულის სატრანსფერო ფანჯარაზე ხვიჩა კვარაცხელიას გაყიდვას არ გეგმავს. მისივე ცნობით, ქართველის მიმართ პრემიერ ლიგიდან და პსჟ-იდან ინტერესი არსებობს, თუმცა "პარტემოპეი" ჩვენებურს ახალ კონტრაქტს შესთავაზებს და მოლაპარაკებები მომდევნო კვირიდან დაიწყება.
დიდი ალბათობით, ახალ შრომით ხელშეკრულებაში იქნება ჩადებული ვიქტორ ოსიმენის მსგავსი პუნქტი და ხვიჩას "ნაპოლის" დატოვება გარკვეული თანხის სანაცვლოდ შეეძლება.
რომანო გვაუწყებს იმასაც, რომ "პარტენოპეიდან" ვიქტორ ოსიმენის აბარგება გადაწყვეტილი ამბავია.
