areanapoli აღნიშნავს, რომ ახალი "ნაპოლი" "კვარაცენტრული" (Kvaracentrico) იქნება, რამეთუ მწვრთნელი ანტონიო კონტე გუნდის აშენებას ხვიჩა კვარაცხელიას გარშემო აპირებს, ქართველი მისი ნდობით კმაყოფილია, წლიურ გასამრჯელოდ 5 მილიონ ევროზე მეტი შესთავაზეს, თავად 8 მილიონს ითხოვს და თუ კონტრაქტის 2029 წლის ზაფხულამდე განახლებაზე არ დათანხმდა, ძველი პირობებით დარჩენა მოუწევს.
ნეაპოლური გამოცემების ცნობით, ვარჯიშზე კონტემ ფეხბურთელები გატანჯა, კვარაცხელიას ზურგზე მცირე პრობლემა შეექმნა, თუმცა ექიმებმა დახმარება აღმოუჩინეს და მოედანზე დაბრუნდა.
"გაძეტა დელო სპორტი" წერს, რომ ხვიჩას ანტონიო მისი ტალანტიდან გამომდინარე, აბსოლუტურ ლიდერად მიიჩნევს, გუნდი ქართველისა და
"ყველას მზერა "კვარასკენაა" მიპყრობილი, ვინაიდან როგორც არასდროს "ნაპოლის" პროექტის სახეს წარმოადგენს. ეს პატარა მინიშნებებით თავიდანვე ნათელი იყო, როდესაც ვიდეოში ტრენტინოს შეკრებას და ახალი სპონსორის ფორმას რეკლამა გაუკეთა და ეს მიუხედავად იმისა, რომ შვებულებაში ყოფნის გამო იქ ფიზიკურად არ იმყოფებოდა. მოკლედ, ჩავარდნილი სეზონის შემდეგ ნეაპოლური რესტარტის და გარანტირებული ამბიციების სიმბოლოა. ცხადია, ის რჩება ახალი ტექნიკური პროექტის მთავარ საყრდენად, რომელიც კონტეს სურდა იმთავითვე ყოველმხრივ დაეკავშირებინა თავის მომავალთან.
ხვიჩა ასევე მემკვიდრეობით მიიღებს ვიქტორ ოსიმენისგან წამყვანი ფეხბურთელის როლს, რომელიც ნეაპოლურ კარიერას ასრულებს. ნიგერიელმა საერთო ჯგუფთან ერთად ტაქტიკურ მეცადინეობაში მიიღო მონაწილეობა, მერე ბაზაზე გულშემატკივრებს მიესალმა და სპორტულ დარბაზში წავიდა. ორი ვარსკვლავი - ერთი მიმავალი და მეორე, რომელმაც "ნაპოლის" მომავალი გზა უნდა გაანათოს. ის პატივისცემის სიტყვებით კმაყოფილია და სურს კონტეს ნდობა დრიბლინგებით, წინამძღოლობით, საგოლე გადაცემებით და გოლებით გადაუხადოს".
![alt](/pictures/image50/739e13c90ab9288cc439574e8ea34a90.jpg ""Kvaracentrico. ქართველი "ნაპოლის" სახეა და გზა უნდა გაუნათოს - კონტემ ვარჯიშზე ფეხბურთელები გატანჯა" - იტალიური მედია")
კვარაცხელია კონტეს ხელში მაინც ითამაშებს სხვა პოზიციაზე? - ტაქტიკის შეცვლას მაშინ ამაოდ ველოდით...![alt](/pictures/image50/dc6609924a7d1f0caa0b95c75c48ad74.png ""Kvaracentrico. ქართველი "ნაპოლის" სახეა და გზა უნდა გაუნათოს - კონტემ ვარჯიშზე ფეხბურთელები გატანჯა" - იტალიური მედია")
ხვიჩა კვარაცხელია "ნაპოლის" ვარჯიშზე ახალი ნომრით გამოჩნდა [PHOTO]
![კონტემ ფეხბურთელებს სიქა გააძრო და პრობლემები შეუქმნა - მასზე ტიფოზები იმედებს ამყარებენ [VIDEO]](/pictures/image7/93d79194b4abb8fa8de9d7a06dcfa6a6.jpg "კონტემ ფეხბურთელებს სიქა გააძრო და პრობლემები შეუქმნა - მასზე ტიფოზები იმედებს ამყარებენ [VIDEO]")
![ხვიჩა კვარაცხელია "ნაპოლის" ვარჯიშზე ახალი ნომრით გამოჩნდა [PHOTO]](/pictures/image7/9950b21a032d289815feb37be64fdbd4.png "ხვიჩა კვარაცხელია \"ნაპოლის\" ვარჯიშზე ახალი ნომრით გამოჩნდა [PHOTO]")
კი კარგად ისმის გუნდის ხვიჩაზე აშენება,მაგრამ ასე მოჭერილი პოლოტოკით გუნდი წინ ვერ წავა გინდა კონტე დანიშნე და გინდა მუსოლინი.
ზოგჯერ მგონია ბაზაზე რასაც აჭმევენ პროდუქტებსაც იაფ მაღაზიაში ყიდულობენ