"ნაპოლი" დღეს სეზონის პირველ ოფიციალურ მატჩს ჩაატარებს - თასზე სერია B-ს "მოდენას" უმასპინძლებს.
მიუხედავად ბოლო ამხანაგურ შეხვედრაში "ჟირონასთან" 0:2 დამარცხებისა, გულშემატკივრები იმედგაცრუებული არ არიან, Il Mattino-ს ცნობით, ყველა ბილეთი გაყიდულია და სტადიონზე საყვარელ გუნდს 50 000 გულშემატკივარი დაუჭერს მხარს.
ისევ არ ითამაშებს ვიქტორ ოსიმენი, რომელიც საწვრთნელ ბაზაზე იმყოფებოდა, მაგრამ გუნდთან ერთად ავტობუსით კი არა, არამედ ტაქსით დაბრუნდა ქალაქში. როგორც იტყობინებიან, იმის გამო, რომ ხვიჩა კვარაცხელია არ მიყიდეს, "ნაპოლის" პსჟ-სთან ურთიერთობა გაუფუჭდა და პარიზულ კლუბში ნიგერიელის ტრანსფერი გამორიცხულია. მას მხოლოდ საუდის არაბეთის
"ალ ჰილალი" იწვევს. ამასობაში დაუსრულებელ მოლოდინში მყოფი რომელუ ლუკაკუ ინდივიდუალურად ვარჯიშობს და იმედს არ კარგავს.
"მოდენასთან" ცენტრფორვარდის პოზიციაზე მწვრთნელი ანტონიო კონტე კვლავ ჯაკომო რასპადორის ათამაშებს, რაც საუკეთესო ვარიანტი არ არის, მაგრამ სხვა არჩევანი არ არსებობს.
Tutto Napoli-ს მტკიცებით, კონტე შემდეგ სასტარტო შემადგენლობას დააყენებს: მერეტი, დი ლორენცო, რაჰმანი, ბონჯორნო, მაზოკი, ლობოტკა, ანგისა, სპინაცოლა, პოლიტანო, კვარაცხელია, რასპადორი.
დაპირისპირება "დიეგო მარადონაზე" საქართველოს დროით 23:15 საათზე დაიწყება.
![alt](/pictures/image50/1eaeeff20c04fb1f04aa59358aa6bbf9.jpg ""ნაპოლი" სეზონს თასის მატჩით და პრობლემით იწყებს - სავარაუდო შემადგენლობა ცნობილია")
"ჯუღელმა მიზანს მიაღწია - "კვარას" კონტრაქტი მოთხოვნის შესაბამისად დაკმაყოფილდება" - იტალიური მედია
