კონფერენს ლიგის საკვალიფიკაციო ეტაპის პლეი-ოფის პირველ მატჩში „კოპენჰაგენმა“ საკუთარ მოედანზე „კილმარნოკს“ 2:0 მოუგო.
მასპინძელთა გუნდის მცველმა გიორგი გოჩოლეიშვილმა შეუცვლელად ითამაშა. ის აქტიური იყო, პირველ ტაიმში თავის გამოჩენაც შეეძლო, როდესაც მეკარესთან პირისპირ გავიდა, მაგრამ ბოლო მომენტში მეტოქე გუნდის ფეხბურთელი ლიუის მაიო დაეწია და გოლი არ გაატანინა.
კლუბის საიტი აღნიშნავს, რომ გულშემატკივრებმა საუკეთესო მოთამაშედ კევინ დიკსი დაასახელეს, ხმების რაოდენობით კი მეორე ადგილზე ქართველი გავიდა. დანიური მედიის ცნობით, გიორგიმ კარგი თამაშით ფანებს თავი შეაყვარა.
საპასუხო შეხვედრა 29 აგვისტოს შოტლანდიაში გაიმართება და "კოპენჰაგენს" ჯგუფურ
ეტაპზე გასვლის კარგი შანსი აქვს.
კოპენჰაგენი. „პარკენი“
კოპენჰაგენი - კილმარნოკი 2:0
გოლები: 1:0 დიკსი (76, პენ), 2:0 ფალკი (90+6)
გოჩოლეიშვილი შეცვლაზე შევიდა - "კოპენჰაგენი" პლეი-ოფში გავიდა
