მასპინძლებმა თავიდანვე შეუტიეს, რასპადორიმ ორი მომენტი ვერ გამოიყენა, რის შემდეგაც გარკვეული პერიოდი თამაში მეტ-ნაკლებად დაწყნარდა. კვარაცხელია ძალიან მოტივირებული იყო, მის მიერ დარტყმული ბურთი მცველმა დაბლოკა, კარის წინ ჩაწოდებულ ბურთზე კი პარტნიორები ვერ გაიხსნენ. შანსი სტუმრებსაც მიეცათ, როდესაც პირისპირ გასულ კასტროს მეკარე მერეტმა არ გაატანინა. 42-ე წუთზე ხვიჩას თავური ხარიხას მოხვდა, ხოლო კომპენსირებულ დროში "კვარას" დიდებული პასით დი ლორენცომ "ნაპოლი" დააწინაურა.
მეორე ტაიმის დასაწყისში პოლიტანომ ვერ უწია მიზანს, მერე იერიშებზე „ბოლონია“ გადავიდა, რასაც შედეგი არ მოჰყვა, სამაგიეროდ შედეგი ცენტრიდან კვარაცხელიას წარმატებულ დრიბლინგს მოჰყვა, რომელმაც სკორუპსკის კარი რიკოშეტით დალაშქრა და გოლი ახლადშეძენილ ვაჟიშვილს მიუძღვნა. 88-ე წუთზე პოლიტანოს ნაცვლად შეცვლაზე "ბენფიკასგან" შეძენილი ნერესი შევიდა, რომლის პასით სიმეონემ გაიტანა და "ნაპოლიმ" დამაჯერებელი გამარჯვება მოიპოვა.
ნეაპოლი. „დიეგო მარადონა“
ნაპოლი - ბოლონია 3:0
გოლები: 1:0 დი ლორენცო (45+2), 2:0 კვარაცხელია (75), 3:0 სიმეონე (90+4)
ჯუღელი ნეაპოლში ჩაფრინდა - დასწრება მატჩზე და დასკვნითი მოლაპარაკება შვებულებიდან დაბრუნებულ დე ლაურენტისთან
![ხვიჩამ დი ლორენცოს პასი დაუხატა - პირველი ტაიმის შემდეგ "ნაპოლი" "ბოლონიას" 1:0 ამარცხებს [VIDEO]](/pictures/image7/88360644ddee307711e4d9d9a1810c79.jpg "ხვიჩამ დი ლორენცოს პასი დაუხატა - პირველი ტაიმის შემდეგ \"ნაპოლი\" \"ბოლონიას\" 1:0 ამარცხებს [VIDEO]")
