ლიგა 1-ის მე-6 ტურში "ტულუზასა" და "ლიონის" (1:2) მატჩის შემდეგ სტუმართა მთავარმა მწვრთნელმა პიერ საჟმა პრესკონფერენციაზე საკუთარი ფეხბურთელების შესახებ ისაუბრა.მოგეხსენებათ, თითქმის ერთთვიანი პაუზის შემდეგ "ლიონის" ძირითად შემადგენლობაში გიორგი მიქაუტაძე მოხვდა. საჟმა მიქაუტაძე 67-ე წუთზე შეცვალა და მის ნაცვლად მოედანზე ალექსანდრ ლაკაზეტი შეუშვა.
პრესკონფერენციაზე საჟმა ქართველი ფორვარდის შესახებაც ისაუბრა და განაცხადა, რომ შესვენებაზე მასთან მკაცრი საუბარი ჰქონდა.
"მიქაუტაძეს შესვენებაზე ვუთხარი, რომ თუ 200-ჯერ ნათქვამს ვერ გაიგებს, 201-ედ გავუმეორებ, რომ წინ გუნდის ინტერესები უნდა დააყენოს და თანაგუნდელებთან ერთად პრესინგი უნდა ითამაშოს.
შესვენების შემდეგ უკეთესად თამაშობდა და როგორც ჩანს, ჩემი ნათქვამი გაიგო. იგი გაცილებით უკეთესი იყო, ვიდრე პირველ ტაიმში. ჩემი აზრით, თუ თანაგუნდელებს მეტად დაეხმარება, თავგანწირვა უკან დაუბრუნდება და ძველებურად შედეგიანი გახდება", - განაცხადა საჟმა.
"ლიონი" 7 ქულით მე-10 ადგილზეა და მომდევნო შეხვედრას 3 ოქტომბერს, ევროპა ლიგაზე გლაზგოში "რეინჯერსთან" ჩაატარებს.
![alt](/pictures/image50/e5ead652f1492ae0fde93a21381901f4.jpg ""თუ 200-ჯერ ნათქვამს ვერ გაიგებს, 201-ედ გავუმეორებ" - "ლიონის" მწვრთნელი მიქაუტაძეს გაუბრაზდა")
მიქაუტაძის 67 წუთი და "ლიონის" ალოგიკური გამარჯვება "ტულუზასთან" [VIDEO]
![მიქაუტაძე: ჩეხეთში მოსაგებად უნდა წავიდეთ [VIDEO]](/pictures/image7/30b858b07fe112c8d0ba97d45658f578.jpeg "მიქაუტაძე: ჩეხეთში მოსაგებად უნდა წავიდეთ [VIDEO]")
![დავითაშვილი "სენტ ეტიენიდან" საუკეთესო იყო - "რონის დერბიში" მიქაუტაძის "ლიონმა" გაიმარჯვა [VIDEO]](/pictures/image7/3648f8518e853edeb3f5ff0d4405d123.jpg "დავითაშვილი \"სენტ ეტიენიდან\" საუკეთესო იყო - \"რონის დერბიში\" მიქაუტაძის \"ლიონმა\" გაიმარჯვა [VIDEO]")
მე მგონი მეცთანაა შეთანხმებული და ფულს აკეთებენ ერთად