20 ოქტომბერს, სერია A-ს მერვე ტურში „ნაპოლი“ გასვლაზე „ემპოლის“ დაუპირისპირდება, რომლის რიგებში იტალიური მედიის მტკიცებით, კვლავ სასტარტოში იქნება საბა გოგლიჩიძე.
„რეპუბლიკას“ ცნობით, „ნაპოლის“ მწვრთნელმა ანტონიო კონტემ შეიძლება მეტოქეს სიურპრიზი შესთავაზოს და ძირითად შემადგენლობაში ხვიჩა კვარაცხელიას ნაცვლად დავიდ ნერესი დააყენოს. საქმე ისაა, რომ კვარაცხელიამ საქართველოს ნაკრებში ორი მძიმე მატჩი ჩაატარა, ბრაზილიელი კი მხოლოდ კლუბის ბაზაზე ვარჯიშობდა და დასვენებულია. იგივეს აცხადებს ჟურნალისტი უმბერტო კიარელო. SKY-ს საფეხბურთო მიმომხილველი ფრანჩესკო მოდუნო კი ირწმუნება, რომ ჯერ კონტე ნერესს პირველივე წუთიდან არ ათამაშებს, მაგრამ მასში 30
მილიონი ევრო გადაიხადეს და ადრე თუ გვიან ნდობა უნდა გამოუცხადონ. ის იტყობინება, რომ მატიას ოლივეირა ურუგვაიდან დაბრუნდა (ეკვადორთან ითამაშა), ხოლო ალექს მერეტმა ტრავმა მოირჩინა და 26 ოქტომბერს „ლეჩესთან“ შეხვედრაში მონაწილეობას მიიღებს.
„კვარას“ შესახებ საკუთარი მოსაზრება საფეხბურთო აგენტმა ენრიკო ფედელემ გამოთქვა: „კვარაცხელიამ უნდა ამოისუნთქოს და მოახერხებს კი კვირამდე აღდგენას? უკვე სამი გოლი გაიტანა და თუ გინდათ, დუბლსაც შეასრულებს... მოწყენილი სახე აქვს ვითარცა წმინდა ლუიჯის, მიუხედავად ამისა, მე ასეთ ფეხბურთელზე უარს ვერასოდეს ვიტყოდი. არ მესმის, ამ ხალხს რა უნდა ქართველისგან... ნერესი მართლა ნიჭიერია, კარგი დარტყმა აქვს, თუმცა ფეხბურთი მხოლოდ აფეთქებები როდია. საჭიროა დაცვით ფაზაში მონაწილეობა. „კვარას“ „მარკანტონიოს“ გამო, როგორც მე მაკტომინეის ვუწოდებ, დიდი „მსხვერპლის გაღება“ უწევს, ვინაიდან შოტლანდიელი წინ მიიწევს და უკან სიცარიელეს ქმნის. ნებისმიერ შემთხვევაში მე ხვიჩას მხარდამჭერი ვარ“.
Tutto Napoli-ს ცნობით, ტრავმირებულ სტანისლავ ლობოტკას ბილი გილმორი შეცვლის, ხოლო „ემპოლისთან“ კონტე მოედანზე შემდეგ თერთმეტეულს გაიყვანს: კაპრილე, დი ლორენცო, რაჰმანი, ბონჯორნო, სპინაცოლა, ანგისა, გილმორი, მაკტომინეი, პოლიტანო, კვარაცხელია, ლუკაკუ.
![alt](/pictures/image50/f1f2f0f5e07b5fdfbba8041123ac1e8d.jpg "კვარაცხელია თუ ნერესი. "არ მესმის, რა უნდა ამ ხალხს ქართველისგან?" - ფედელე ხვიჩას გამოექომაგა")
ალემაო: "ნაპოლიში" საუკეთესო ფანტასტიკური კვარაცხელიაა - მისი თამაში სახალისოა![alt](/pictures/image50/71ebda4bff73200dffdc8e794a775517.jpg "კვარაცხელია თუ ნერესი. "არ მესმის, რა უნდა ამ ხალხს ქართველისგან?" - ფედელე ხვიჩას გამოექომაგა")
"კონტრაქტი არაფერ შუაშია, ხვიჩა ამის გამოა შეშინებული" - ალვინომ კვარაცხელიაზე ისაუბრა
