დღეს, სერია A-ს მეთორმეტე ტურში "ნაპოლი" სტუმრად "ინტერს" დაუპირისპირდება, რომელმაც ჩემპიონთა ლიგის მეოთხე ტურში სახლში "არსენალს" 1:0 მოუგო.
"ინტერი" განსაკუთრებით კარგად საკუთარ მოედანზე ასპარეზობს, სადაც ჩემპიონატის ზედიზედ 28 მატჩში გაიტანა გოლი და ამ მაჩვენებლით ევროპის ტოპ 5 ლიგაში მხოლოდ "ლილს" (30) და "ბარსელონას" (28) ჩამორჩება. "ნაპოლიმ" კი ბოლო ოთხ გასვლით შეხვედრაში შეძლო კარის მშრალად შენახვა.
ტრავმა მოირჩინა და ნეაპოლურ გუნდს დაუბრუნდა სტანისლავ ლობოტკა. მან გუშინ საერთო ჯგუფთან ივარჯიშა, თუმცა, მწვრთნელი ანტონიო კონტე ალბათ, ძირითად შემადგენლობაში არ დააყენებს. თავისი ყოფილი გუნდის
კარის დალაშქვრას შეეცდება რომელუ ლუკაკუ. "კორიერე დელო სპორტი" წერს, რომ ხვიჩა კვარაცხელია მიმდინარე სეზონში ერთ მატჩში გაიბრწყინებს, მომდევნოს ჩააგდებს და თუ "ტრადიცია" არ დაარღვია, "ნერაძურისთან" კარგად უნდა ითამაშოს.
იტალიური გამოცემები ირწმუნებიან, რომ გუნდები თამაშს შემდეგი შემადგენლობებით დაიწყებენ:
ინტერი: ზომერი, პავარი, აჩერბი, ბასტონი, დუმფრისი, ბარელა, ჩალჰანოღლუ, მხითარიანი, დიმარკო, ტიურამი, მარტინესი.
ნაპოლი: მერეტი, დი ლორენცო, რაჰმანი, ბონჯორნო, ოლივეირა, ანგისა, გილმორი, მაკტომინეი, პოლიტანო, კვარაცხელია, ლუკაკუ.
ნაპოლი: მერეტი, დი ლორენცო, რაჰმანი, ბონჯორნო, ოლივეირა, ანგისა, გილმორი, მაკტომინეი, პოლიტანო, კვარაცხელია, ლუკაკუ.
დაპირისპირება თბილისის დროით 23:45 საათზე დაიწყება და იქნებ კვარაცხელიამ "სან სიროზე" გატანილი გოლით ისევ გაგვახაროს.
![alt](/pictures/image50/594d9b192bd9f85a7a9f07fc19a06f86.jpg "დიდი მატჩი მოლოდინი - ისევ გაიტანს კვარაცხელია "სან სიროზე"?")
ხვიჩას "ინტერისთვის" არ გაუტანია, ასეთი კი ცოტა გუნდია - მიქაუტაძე დავითაშვილის წინააღმდეგ!..
