Le Parisien-ის ცნობით, პირველ დეკემბერს საფრანგეთში გიორგი მიქაუტაძის გარდა კიდევ ერთი ცნობილი ფეხბურთელის, პსჟ-ის ყოფილი შემტევის ეზეკიელ ლავეცის სახლი გაძარცვეს.ნეილი-სურ-სენში მდებარე სახლიდან ძვირადღირებული ნივთები მოიპარეს, ზარალის ზუსტი ოდენობა კი ჯერჯერობით უცნობია. არგენტინელი ფეხბურთელი, რომელმაც ბუცები ლურსმანზე 2019 წელს ჩამოჰკიდა, ამ დროს სახლში არ იმყოფებოდა.
რაც შეეხება მიქაუტაძეს, შეხსენებისთვის, ის "ნიცასთან" მატჩის შემდეგ სახლში დაბრუნდა, სადაც მას ორი მძარცველი ელოდებოდა და იარაღის მუქარით ქართველის სახლში შევიდნენ.
Le progres-ის ინფორმაციით, მიქაუტაძის სახლიდან დაახლოებით 250 000 ევროდ შეფასებული ნივთები მოიპარეს.
