რადიო Kiss Kiss Napoli-ს დირექტორმა ვალტერ დე მაჯიომ "ნაპოლის" რამდენიმე ფეხბურთელის, მათ შორის ხვიჩა კვარაცხელიას შესახებაც ისაუბრა.მისი თქმით, ქართველის თამაში პროგნოზირებადი გახდა და მცველები მას ადვილად უმკლავდებიან.
"კვარაცხელია მეტოქეს მარტივად ვეღარ ატყუებს, მისი თამაში პროგნოზირებადი გახდა", - განაცხადა დე მაჯიომ.
შეგახსენებთ, ხვიჩა კვარაცხელიამ მიმდინარე სეზონში "ნაპოლის" მაისურით ყველა ტურნირზე ჯამში 17 მატჩი გამართა, თავი კი 5 გატანილი გოლითა და 3 შედეგიანი პასით გამოიჩინა.
"პარტენოპეი" სერია A-ს სატურნირო ცხრილში 32 ქულით მეორე ადგილს იკავებს და ლიდერ "ატალანტას" ორი ქულით ჩამორჩება.
![alt](/pictures/image50/c7872c465516e479ddc8f7f02b19588d.jpg ""მეტოქეს მარტივად ვეღარ ატყუებს, პროგნოზირებადი გახდა" - Kiss Kiss Napoli-ს დირექტორმა ხვიჩა გააკრიტიკა")
