სტუმრები პენალტით დაწინაურდნენ, კომპენსირებულ დროში კი ბუდუ ზივზივაძემ თავურით ანგარიში გაათანაბრა.
მეორე ტაიმის დასაწყისში ქართველმა თავის მიერვე მოპოვებული პენალტი ვერ გამოიყენა - ბურთი კარგად ვერ დაარტყა და მეკარე მაქს ვეისი დაეუფლა. სწრაფი კონტრშეტევისას „რეგენსბურგმა“ ისევ მოახერხა წინ გასვლა, თუმცა დროებით. მალე მარვინ ვანიტცეკმა თერთმეტმეტრიანით თანაფარდობა აღადგინა, შემდეგ კი ზივზივაძე მეურვეებს გაექცა, მეკარესთან პირისპირ გავიდა და დუბლი შეასრულა. მერე მეტოქის კარი ფაბიან შლეიზენერმა დალაშქრა, ბოლოს ბუდუს მესამეს გატანაც შეეძლო, მაგრამ მიზანს ვერ უწია შეხვედრა 4:2 დასრულდა.
ქართველმა სამმატჩიანი უგოლო სერია შეწყვიტა და 11 გოლით ჩემპიონატის ბომბარდირია. ის 90-ე წუთზე შეცვალეს და ანალიტიკური საიტებისგან ორივე გუნდიდან ყველაზე მაღალი შეფასებები დაიმსახურა: whoscored 8.5, flashscore 8.1, sofascore 8.0.
„კარლსრუე“ ამ მომენტისთვის 26 ქულით მეოთხე ადგილზეა და 21 დეკემბერს გასვლაზე „პადერბორნს“ დაუპირისპირდება.
კარლსრუე. „BBBank ვიდპარკი“. 24 158 მაყურებელი
კარლსრუე - რეგენსბურგი 4:2
გოლები: 0:1 კიულვეტერი (19), 1:1 ზივზივაძე (45+2), 1:2 ჰოფმანი (49), 2:2 ვანიტცეკი (56, პენ), 3:2 ზივზივაძე (62), 4:2 შლეიზენერი (86)
გამოუყენებელი პენალტი: ზივზივაძე (47, კარლსრუე)
ზივზივაზეს გოლი არ ჩაუთვალეს - "კარლსრუე" "კაიზერსლაუტერნთან" დამარცხდა
![ზივზივაძის გოლი და საგოლე გადაცემა - "ჰაიდენჰაიმმა" როგორც იქნა გაიმარჯვა [VIDEO]](/pictures/image7/2ed4ab54fabe641714a90c0c5b41340c.png "ზივზივაძის გოლი და საგოლე გადაცემა - \"ჰაიდენჰაიმმა\" როგორც იქნა გაიმარჯვა [VIDEO]")
![ბუდუმ ბუნდესლიგაში ზედიზედ მეორე მატჩში გაიტანა [VIDEO]](/pictures/image7/1a1f1d239db884364167b8b2a48ab2cb.jpeg "ბუდუმ ბუნდესლიგაში ზედიზედ მეორე მატჩში გაიტანა [VIDEO]")
![ბუდუმ ნავსი გატეხა - სადებიუტო ბუნდესგოლით თავის გუნდს ქულა მოუპოვა [VIDEO]](/pictures/image7/1d78d0f74a9784d2ffdeb076bd83097a.jpg "ბუდუმ ნავსი გატეხა - სადებიუტო ბუნდესგოლით თავის გუნდს ქულა მოუპოვა [VIDEO]")
