პრემიერ ლიგის გუნდების სია კიდევ გაიზრდება? - ჩაკვეტაძის დამატებით სამი კლუბი ინტერესდება, "უოტფორდის" ცნობილმა ფანმა კი ქართველის შესახებ ისაუბრა

Football League World-ის ინფორმაციით, საქართველოს ნაკრებისა და "უოტფორდის" შემტევის გიორგი ჩაკვეტაძის დამატებით სამი პრემიერ ლიგის კლუბი ვულვზი, "ევერტონი" და "ლესტერი" ინტერესდება.

გამოცემის ცნობით, ჩვენებურის ამჟამინდელ კლუბს გიორგის გაშვება არ სურს, თუმცა თუ გარიგება შედგება, მას 20 მილიონ ფუნტზე ნაკლებად არ შეელევა.

ზემოთ აღნიშნული წყარო წერს იმასაც, რომ არაა გამორიცხული, ზამთრის სატრანსფერო ფანჯრის პერიოდში, ქართველის დამატების სურვილი სხვა პრემიერ ლიგის კლუბებმაც გამოთქვან.

Football League World Talksport-ის რადიოწამყვანს და "უოტფორდის" დიდ ქომაგს ჯასტინ ბეტის დაეკითხა, თუ ვინ არის ამჟამინდელ "უოტფორდში" ხელშეუხებელი ფეხბურთელი. 

"ეს ფეხბურთელი უდავოდ ჩაკვეტაძეა! ის ულამაზესი სტილის ფეხბურთელია და მშვენიერია იმის ყურება, თუ როგორ ფლობს ბურთს.

მას რომ ჰქონდეს ბოლო "მკვლელი" პასი და გაჰქონდეს ბევრი გოლები, ახლა ის "უოტფორდში" არ იქნებოდა, რადგან მსგავსი სტილის მოთამაშეებს პრემიერ ლიგის გრანდები ეძებენ.

ახლა ძალიან მნიშვნელოვანია, რომ ჩაკვეტაძე არ დავკარგოთ. მან ჩვენთან ყოფნის 1,5 წელიწადში თავისი შესაძლებლობები უკვე დაამტკიცა", - თქვა ბეტიმ.