29 დეკემბერს, სერია A-ს მეთვრამეტე ტურში "ნაპოლი" "ვენეციას" უმასპინძლებს და იტალიურ მედიაში მსჯელობენ, მწვრთნელი ანტონიო კონტე ძირითად შემადგენლობაში ხვიჩა კვარაცხელიას დააყენებს თუ დავიდ ნერესს, თუმცა მოულოდნელად სიტუაცია მკვეთრად შეიცვალა.
საქმე ისაა, რომ მატეო პოლიტანოს მსუბუქი გრიპი აქვს, გუშინ არ უვარჯიშია და შეიძლება კვირას ვერ იასპარეზოს. ასეთ შემთხვევაში კვარაცხელიას და ნერესს პირველად მოუწევთ თამაშის ერთად სასტარტოდან დაწყება - ხვიჩა მარცხენა, ხოლო დავიდი მარჯვენა ფლანგზე იქნება.
ნეაპოლური გუნდი ჩემპიონატზე ზედიზედ მესამე მატჩის მოგებას და წლის გამარჯვებით დასრულებას შეეცდება.
შეხვედრა "დიეგო მარადონაზე" თბილისის
დროით 18:00 საათზე დაიწყება, "ნაპოლის" სავარაუდო შემადგენლობა კი ასეთია: მერეტი, დი ლორენცო, რაჰმანი, ჟუან ჟეზუსი, ოლივეირა, ანგისა, ლობოტკა, მაკტომინეი, ნერესი, კვარაცხელია, ლუკაკუ.
ხვიჩას გოლი ისევ საუკეთესოა! - როგორი იყო წელი და სეზონი - ბოლო მატჩი ახალ წლამდე...
