იტალიის ჩემპიონატში მეორე წრე დაიწყო. შუა ნაწილს ლიდერის რანგში შეხვედრილი "ნაპოლი" ხვიჩა კვარაცხელიასთვის მნიშვნელოვან და დასამახსოვრებელ გუნდს, "ვერონას" უმასპინძლებს - კვირას, 12 იანვარს, თბილისის დროით 23:45 საათზეხვიჩას შესაძლო ტრანსფერზე ახლა მეტი იწერება, ვიდრე მომავალ მატჩზე. რატომაა "კვარასთვის" "ვერონა" განსაკუთრებული მეტოქე და რატომ უფრთხიან ქართველს? - 2022 წლის 15 აგვისტოს მათ კარში სერია "ა"-ში სადებიუტო გოლი გაიტანა(შემდეგ ზელინსკის გაატანინა); ერთი წლის შემდეგ 77-ე ნომერმა დუბლი შეასრულა; წინა თებერვალში ცოტა ხნის წინ ნეაპოლელთა მხრიდან 2024 წლის საუკეთესო გოლად დასახელებული ულამაზესი დარტყმა
ის, რაც მიმდინარე სეზონის საწყის ტურში მოხდა, მოულოდნელი იყო. ანტონიო კონტეს სადებიუტო შეხვედრაში მწარე მარცხი (0:3) ვიხილეთ. პირველი ტაიმის ბოლოს ტრავმის გამო ხვიჩას გასვლა, ჯერ კიდევ დაულაგებელი გუნდი - ასახსნელად საკმარისი მიზეზებია. ასე რომ, ახლა რევანშის დროა!..
ხვიჩას ტრანსფერზე ბევრი საუბარია...
თუკი კვარაცხელია და ნერეში ერთდროულად შეუტევენ, ხომ არ დაირღვევა ბალანსი შეტევასა და დაცვას შორის, რაშიც პოლიტანოს მნიშვნელოვანი როლი აქვს, ეს იტალიელი მწვრთნელის საფიქრალი იქნება. "ფიორენტინასთან" კარგად გამოჩნდა, გუნდს რესურსი აქვს, დომინანტი იყოს და უბურთოდ თამაშზე არ იფიქროს. მხოლოდ 12 გაშვებული გოლი მართლაც დიდებული მაჩვენებელია.
შეხვედრას საკმაოდ ახალგაზრდა და გამოუცდელი, 34 წლის ლუკა ზუფერლი გაუძღვება, ვისაც ბოლო დროს მეოთხე არბიტრად უფრო ვხედავთ.
ამ მატჩის პარალელურად საფრანგეთში ზურიკო დავითაშვილის "სენტ ეტიენს" დიდი გამოწვევა აქვს, პსჟ-ს უნდა ესტუმრონ. გასული ტური ქართველმა გამოტოვა, მისმა გუნდმა კი გაიმარჯვა. "მწვანეები" დიდი ტრადიციისა და ტიტულების მქონე გუნდია, თუმცა ბოლო პერიოდი პარიზელთა სრული დომინაციით მიმდინარეობს; უფრო ადრე, 19:15 საათზე, ესპანეთის რანგით მეორე ლიგაში, გიორგი ქოჩორაშვილის "ლევანტე" "კადისს" ესტუმრება.
ბუდუ ბუნდესლიგაში გაიტანს...
შაბათი, 11.01
გერმანია. ბუნდესლიგა. 18:30 სთ.
ჰაიდენჰაიმი (ზივზივაძის დებიუტი) - უნიონი;
იტალია. სერია ა. 18:00. ემპოლი (გოგლიჩიძე) - ლეჩე;
საფრანგეთი. ლიგა 1. 20:00
ბრესტი - ლიონი (მიქაუტაძე);
ესპანეთი. ლა ლიგა. 23:59.
სევილია - ვალენსია (მამარდაშვილი).
"კვარაცხელია პსჟ-სთან კონტრაქტს ამ უქმეებზე გააფორმებს - დე ლაურენტისი 90 მილიონს მოითხოვს" - იტალიური მედია
L’Équipe: პსჟ-ს "კვარას" ტრანსფერზე სიფრთხილე მართებს - "მანჩესტერი" დანებებას არ აპირებს
