ბუდუს კარგი დებიუტი ბუნდესლიგაში - "ჰაიდენჰაიმმა" ზედიზედ შვიდი წაგების შემდეგ გაიმარჯვა [VIDEO]

ბუნდესლიგის მეთექვსმეტე ტურში „ჰაიდენჰაიმმა“ სახლში „უნიონს“ 2:0 მოუგო.

ბუნდესლიგაში „კარლსრუედან“ ჰაიდენჰაიმში“ ახლახან გადასული ბუდუ ზივზივაძის დებიუტი შედგა, რომელიც მწვრთნელმა ფრანკ შმიდტმა პირველივე მატჩში ძირითად შემადგენლობაში დააყენა.

თავიდან სტუმრები უპირტესობას ფლობდნენ, მასპინძლებმა კი პირველივე შანსი გამოიყენეს და ახალწვეულმა ფრანს კრეტციგმა დააწინაურა. შემდეგ ზივზივაძემ ომარ ტრაორეს პასი გაუკეთა, რომელიც ტომ როტემ წააქცია და მსაჯმა ბოლო იმედის ჯარიმის გამო გააძევა.

მეორე ტაიმში „ჰაიდენჰაიმი“ ბევრს უტევდა, ბუდუმ სამჯერ სცადა გატანა - ჯერ გატანა მეკარე ალეკსანდრ შვოლოვმა არ დაანება, მერე მისი დარტყმული ბურთი ზედ კარის ხაზიდან მცველმა გამოიტანა, 83-ე წუთზე კი ქართველის დარტყმული ბურთი მეკარემ მოიგერია, დამატებაზე ადრიან ბეკმა ყველას დაასწრო, 2:0 და „ჰაიდენჰაიმმა“ ჩემპიონატზე ზედიზედ შვიდი წაგების შემდეგ გაიმარჯვა.

ქართველმა შეუცვლელად ითამაშა და ორივე გუნდიდან ერთ-ერთი საუეთესო შეფასებები დაიმსახურა: flashscore 7.6, whoscored 7.4, sofascore 7.3.

„ჰაიდენჰაიმი“ 14 ქულით მეთხუთმეტე ადგილზეა და მომდევნო მატჩს 15 იანვარს ბრემენში „ვერდერთან“ გამართავს.

ჰაიდენჰაიმ ან დერ ბენცი. „ფოიტ არენა“
ჰაიდენჰაიმი - უნიონი 2:0
გოლები: 1:0 კრეტციგი (17), 2:0 ბეკი (83)
გაძევება: როტე (37, უნიონი)

დღეს მამარდაშვილი ტრავმის შემდეგ ბრუნდება, ბუდუ ელიტაში იწყებს... - როცა ხვიჩას ტრანსფერი მთავარი თემაა