"ბრესტთან" მოგებული მატჩის (7:0) შემდეგ, "პარიზიენმა" პსჟ-ის გარემარბს, ხვიჩა კვარაცხელიას ინტერვიუ ჩამოართვა და აღნიშნა, რომ ქართველმა თავისი მაღალი კლასი დაამტკიცა, გუნდთან ერთად უფრო და უფრო უკეთესად თამაშობს და ტურნირზე საკმაოდ ამბიციური გეგმები აქვს.
- თქვენს კარიერაში როდესმე 7:0 მოგიგიათ?
- ყველა მატჩი არ მახსოვს, მაგრამ მგონია, ეს პირველი შემთხვევაა.
- თითქოს პსჟ-მ ადვილად გაიმარჯვა...
- ვფიქრობ, მარტივი მოგება არ არსებობს. ვცდილობთ ამას ვარჯიშებზე მძიმე შრომით მივაღწიოთ. მოედანზე მუდამ ბოლომდე ვიხარჯებით.
- ახალ ქვეყანაში ჩასვლა ადვილი არასოდეს არ არის. პარიზში თავს როგორ გრძნობთ?
- ყველაფერი კარგად მიდის. ახალ ქვეყანაში, ახალ ჩემპიონატში მისვლა ადვილი არასოდეს არაა. აქ გარკვეულწილად ყველაფერი სხვანაირადაა, მაგრამ ბევრს ვშრომობ, ეს ჩემი სამუშაოა.
- 1/8-ფინალში "ლივერპულთან" გირჩევნიათ შეხვედრა თუ "ბარსელონასთან"?
- სულერთია. უბრალოდ ერთ-ერთ მათგანთან დაპირისპირებისთვის უნდა ვიყოთ მზად. ჩვენ პსჟ ვართ. არც ჩვენთვის და არც მოწინააღმდეგისთვის ეს ადვილი თამაშები არ იქნება. ბოლომდე ბრძოლა მოგვიწევს. - შეძლებს ეს პსჟ ჩემპიონთა ლიგის მოგებას?
- დიახ, რა თქმა უნდა, ჩვენ ჩემპიონთა ლიგის მოგება შეგვიძლია. ამისათვის მუშაობა გვჭირდება.
ლუის ენრიკე: კვარაცხელია ტოპ-ფეხბურთელია - მისგან სწორედ ეს გვჭირდება
10-დან 10 - "ბრესტთან" მატჩში ხვიჩამ უმაღლესი შეფასება მიიღო!
კვარაცხელიას გოლი და საგოლე გადაცემა - 1/8-ფინალში პსჟ-ის შემდეგი მეტოქე "ლივერპული" ან "ბარსელონაა" [VIDEO]
![პსჟს შესაძლო ნახევარფინალი "რეალთან" - კვარაცხელიას გუნდის გზა მიუნხენამდე [PHOTO]](/pictures/image7/9ad4a7c529014f3ac5383a39677fc290.jpg "პსჟს შესაძლო ნახევარფინალი \"რეალთან\" - კვარაცხელიას გუნდის გზა მიუნხენამდე [PHOTO]")
