უკრაინის პრემიერ ლიგის "ჩერნომორეცმა" გვაუწყა, რომ კლუბში სინჯებზე მყოფი "ვიტ ჯორჯიას" 19 წლის ქართველი ნახევარმცველი გიორგი რობაქიძე მოეწონათ და გუნდში დარჩება, თუმცა კონტრაქტისა და შეთანხმების დეტალები არ გაუხმარებიათ. რობაქიძემ ეროვნული ლიგა 2-ის 40 მატჩში 2 გოლი გაიტანა, ადრე კი ფოთის "კოლხეთში" თამაშობდა. მას საქართველოს 17-წლამდელთა ნაკრებში 11 შეხვედრაში აქვს მონაწილეობა მიღებული.
რაც შეეხება "ჩერნომორეცს", გუნდი 17 ტურის შემდეგ 12 ქულით უკრაინის პრემიერლიგაში ბოლოსწინა, მეთხუთმეტე ადგილზეა.
