ჟურნალისტ იგორ ბურბასის ინფორმაციით, დონეცკის "შახტარმა", სადაც საქართველოს ნაკრების ფეხბურთელი ირაკლი აზაროვი თამაშობს, შესაძლოა, უახლოეს მომავალში მწვრთნელი შეიცვალოს. უკრაინულ გუნდს ამჟამად მარინო პუსიჩი მოძღვრავს, თუმცა შედეგები არც თუ ისე დამაკმაყოფილებელი აქვს და უკვე მის შემცვლელზე ფიქრობენ.
ერთ-ერთი ვარიანი "აიაქსის" თავკაცი ფრანჩესკო ფარიოლი გახლავთ, თუმცა ამსტერდამელები ჩემპიონობისთვის იბრძვიან და ეს ვარიანტი ნაკლებად სავარაუდოა.
გავრცელებული ინფორმაციით, "შახტარი" ასევე განიხილავს ედინ ტერზიჩის ვარიანტსაც, რომელმაც გასულ სეზონში "დორტმუნდი" ჩემპიონთა ლიგის ფინალში ათამაშა და ამჟამად უმუშევარია.
![ჩემპიონთა ლიგა. VII ტური: აზაროვის მოპოვებული პენალტი - "შახტარმა" "ბრესტს" მოუგო [VIDEO]](/pictures/image7/8677a9adce75c319a4e3673514d40ba0.jpg "ჩემპიონთა ლიგა. VII ტური: აზაროვის მოპოვებული პენალტი - \"შახტარმა\" \"ბრესტს\" მოუგო [VIDEO]")
