საქართველოს ნაკრებსა და "ლევანტეში" წარმატებული ასპარეზობის შედეგად, 25 წლის ნახევარმცველით, გიორგი ქოჩორაშვილით არაერთი კლუბი დაინტერესდა.
სატრანსფერო ექსპერტი ეკრემ კონური თავის "ტვიტერზე" წერს, რომ "ნაპოლი" და "სპორტინგი" მზად არიან ქოჩორაშვილში "ლევანტეს" 7-10 მილიონი ევრო შესთავაზონ. ადრე კონურმა გაავრცელა ინფორმაცია, რომ ქოჩორაშვილით "ტრაპზონსპორია" დაინტერესებული.
ლისაბონური კლუბი უკვე სერიოზულად არის დაინტერესებული ქართველით და პორტუგალიელი ჟურნალისტები მის თამაშს განიხილავენ.
გიორგის, რომლის ღირებულება transfermarkt-ის მიხედვით 4 მილიონი ევროა, "ლევანტესთან" კონტრაქტი 2027 წლის ზაფხულამდე აქვს გაფორმებული, ამ გუნდმა გუშინ სეგუნდა დივიზიონის 32-ე ტურში სახლში "კატსელონს" 3:2 მოუგო, 59
ქულით ლიდერია და თუ ლა ლიგაში გადავიდა, ძნელი წარმოსადგენია ერთ-ერთ ლიდერს შეელიოს.
![alt](/pictures/image50/b642c679ea13bcadf500597051c7e1a5.jpg "ქოჩორაშვილის შეძენას "ნაპოლი" და "სპორტინგი" შეეცდებიან")
ქოჩორაშვილმა "სპორტინგში" შესაძლო ტრანსფერზე კომენტარი გააკეთა
