მიქაუტაძის მე-14 გოლი - "ლიონი" სტუმრად "სტრასბურგთან" დამარცხდა [VIDEO]

AutoSharing Option
AUTO PLAY
ლიგა 1-ის 27-ე ტურში „ლიონი“ გასვლაზე „სტრასბურგთან“ 2:4 დამარცხდა.

მატჩი სტუმართა შეტევებით დაიწყო და მიქაუტაძის დარტყმული ბურთი ხარიხას მოხვდა. შემდეგ გიორგიმ პასი ვერეტუს გაუკეთა, რომლის თავური კარს ასცდა. ნუამას რიკოშეტით გატანილი გოლი თამაშგარეს გამო არ ჩაითვალა. მეორე ტაიმში თამაშის სურათი შეიცვალა, მასპინძლები აქტიურად გადავიდნენ იერიშებზე, ჯერ ნანასის მეკარე პერიმ არ გაატანინა, ცოტა ხანში კი მისი კარი სანტოსმა და ბაკვამ დალაშქრეს. მალე ტოლისომ ანგარიში შეამცირა, თუმცა მერე „ლიონს“ ემეგამ და ამო-ამეიომ გაუტანეს, კომპენსირებულ დროში ტალიაფიკოს მოპოვებული პენალტი მიქაუტაძემ უზადოდ შეასრულა და შეხვედრაც
დასრულდა.

ქართველის ანგარიშზე მიმდინარე სეზონში კლუბში ყველა ტურნირზე 37 მატჩში 14 გოლი და 8 საგოლე გადაცემაა. მისი თამაში ანალიტიკურმა საიტებმა შეაფასეს: whoscored 7.2, sofascore 7.0, flashscore 7.0.

„ლიონმა“ ყველა ტურნირზე ზედიზედ ხუთი გამარჯვების შემდეგ მარცხი განიცადა, ამ მომენტისთვის 45 ქულით მე-6 ადგილზეა და 5 აპრილს „ლილს“ უმასპინძლებს.

სტრასბურგი. „სტად დე ლა მენო“
სტრასბურგი - ლიონი 4:2
გოლები: 1:0 სანტოსი (50), 2:0 ბაკვა (60), 2:1 ტოლისო (62), 3:1 ემეგა (73), 4:1 ამო-ამეიო (89), 4:2 მიქაუტაძე (90+6, პენ)

altკვარაცხელია ჩემპიონობას დავითაშვილის წინააღმდეგ გაიფორმებს? პარასკევს მიქაუტაძე იწყებს...

მკითხველის კომენტარები / 2 /
პირველ ტაიმში დიდი უპირატესობის შემდეგ,მეორე ტაიმის სტარტზე სტრასბურგის გააქტიურება სრულიად მოულოდნელი აღმოჩნდა ლიონისათვის და აშკარა პანიკა გაჩნდა დაცვის რიგებში.დროულ შეცვლებს,შესაძლოა კიდევ ეშველა,მაგრამ დაგვიანდა და რაკი სტრასბურგმა თამაში დაიჭირა,ნირწამხდარ ლიონელებს შანსი აღარ ჰქონდათ.ჯერ კიდევ პირველ ტაიმში,მიქაუტაძე მოწყვეტილი ჰყავდათ თანაგუნდელებისგან და ბურთი გიორგიმდე იშვიათად აღწევდა.დაახლოებით თანაბარი კლასის გუნდებთან ბრძოლაში,მწვრთნელ ფონსეკას გუნდთან არყოფნა,მგონი გადამწყვეტი ფაქტორი აღმოჩნდა,მატჩის საბოლოო შედეგში.ტაქტიკურ ბრძოლაში,ყველაფერს თავისი დრო აქვს და მწვრთნელის არყოფნაში,ლიონი საპასუხო ტაქტიკურ ნაბიჯებს აგვიანებდა.
სოსო
02:34 29-03-2025
0

ასევე დაგაინტერესებთ
სიახლეები პოპულარული