30 ოქტომბერს, "ქართული მარშის" წარმომადგენლებმა "პრაიმტაიმის" პრესკლუბში პრესკონფერენცია გამართეს.
"მარშის" ერთ-ერთი ლიდერის, ლადო სადღობელაშვილის თქმით, სფფ-ის პრეზიდენტის, ლევან კობიაშვილის ინიციატივით შედგა შეხვედრა სფფ-ის შენობასთან აქციისა და გურამ კაშიას საკითხის განსახილველად, სადაც კობიაშვილი მათ სიცოცხლის მოსპობით დაემუქრა.
"შეხვედრა შეეხებოდა გურამ კაშიას მოედანზე ლგბტ ფერებში სამკლავურით გამოსვლას. ლევან კობიაშვილი დაგვემუქრა და გვითხრა, რომ წელში გადაგვამტვრევდა. ჩვენ ამის აუდიოჩანაწერი გვაქვს. იმ შემთხვევაში, თუ ლევან კობიაშვილი და ფეხბურთის ფედერაციის
"მოგესალმებით. სამწუხაროა, რომ მიწევს გამოვეხმაურო "ქართული მარშის" აბსურდულ განცხადებას. განვმარტავ საზოგადოებისთვის, რომ შეხვედრაზე საერთოდ არ იმყოფებოდა ის ოთხი ადამიანი, ვინც დღეს ბრიფინგი გამართა. მე მათ არ ვიცნობ და არასოდეს შევხვედრივარ.
გია კორკოტაშვილთან და სანდრო ბრეგაძესთან შეხვედრაზე, ჩემი მხრიდან მსგავსი ტიპის მუქარა (სიცოცხლის მოსპობა, მუხლების დახვრეტა, მიწაში ჩადება და სხვ.), რასაკვირველია, არ გაჟღერებულა, რადგან კიდევ ერთხელ ვიმეორებ, რომ მე ყოველთვის ვიყავი, ვარ და ვიქნები ძალადობის ნებისმიერი ფორმით გამოვლინების წინააღმდეგი ნებისმიერი ადამიანის მიმართ.
პატივისცემით, ლევან კობიაშვილი".
რაც შეეხება ამ ფაქტთან დაკავშირებით საქართველოში განვითარებულ მოვლენებს, ეს მხოლოდ ჟურნალისტების მიერ აგორებული თემაა და ე.წ. "ქართული მარშის" ლიდერებისათვის "თავის გამოჩენის" საშუალება. რომ არა ეს ორი აგრესიული(დიახ, აგრესიული) ჯგუფი, ეს საკითხი საერთოდ უინტერესოდ ჩაივლიდა, რადგან რეალურად მართლაც არანაირი ყურადღების მისაქცევი არ არის.
და კიდევ, მიმაჩნია, რომ არც კობიაშვილი, არც ვიცე-პრეზიდენტი არათუ არ უნდა ხვდებოდეს "ქართული მარშის" წარმომადგენლებს, ინტერვიუსაც არ უნდა იძლეოდეს, რადგან მათი ნებისმიერი სიტყვა ნებისმიერი ინტერპრეტაციით შეიძლება გადასცენ და ამაზე კიდევ დღეები ისაუბრონ.
მოკლედ, ნებით თუ უნებლიედ, ჟურნალისტები, "ქართული მარში", ფეხბურთის ფედერაცია და საზოგადოების ნაწილი ჩართული არიან აბსურდულ, მეასეხარისხოვან თემაში და მხოლოდ ლგბტ-ს აქტივისტების(და არა თავად ლგბტ პირების) წისქვილზე ასხამენ წყალს და პოზიციებს უმყარებენ.