დღეს, საღამოს 18:00 სააათზე უეფას ახალგაზრდული ლიგის ფარგლებში "საბურთალო" "ბროდარაცს" დაუპირისპირდება და ამ შეხვედრასთან დაკავშირებით, "საბურთალო 2"-ის მთავარ მწვრთნელ რევაზ გოცირიძეს ვესაუბრეთ.- როგორ მიმდინარეობს მზადება მატჩისთვის? როგორი სიტუაციაა გუნდში?
- შეკრებაზე ვართ 13 ნოემბრიდან და ჩვეულებრივ რეჟიმში ვემზადებით, როგორც ერთ-ერთი ჩვეულებრივი მატჩისთვის.
- დანაკლისი ხომ არ არის და ტრავმირებული ფეხბურთელებიდან რომელიმე ხომ არ შემოუერთდა გუნდს?
- არა დანაკლისი არ არის. ერთადერთი მათოზაშვილი დაგვემატა, ხოლო ბუიღლიშვილი და ლაკვეხელიანი ტრავმირებული არიან.
- ძალიან მძიმე თამაში იქნება, კარგი გუნდია და ათლეტური ფეხბურთელები ჰყავს. ერთ-ერთი ძლიერი მხარე რაც აქვთ, გრძელ გადაცემებს ცდილობენ და კონტრშეტევებზე აგებენ თამაშს. ჩვენ მაქსიმალური ყურადღება გვმართებს, რომ ეს კონტრშეტევები არ გამოგვეპაროს.
- რა არის "საბურთალოს" მიზანი ამ მატჩში? შედეგიან ფრეს მივაღწიეთ სერბეთში და ხომ არ ვითამაშებთ უფრო დაცვით ფეხბურთს?
- "საბურთალო" ფრეზე არ ითამაშებს და მიზანი რა თქმა უნდა შემდეგ ეტაპზე გასვლაა.
- როდის გაირკვევა ვინ იქნება "საბურთალოს" მეტოქე, თუ ჩვენი გუნდი შემდეგ ეტაპზე გავიდა?
- ამ მატჩის მერე კენჭისყრა იქნება 11 დეკემბერს და ჩვენ თუ ღმერთის წყალობით გავედით, მერე გაირკვევა მეტოქე.
- და ბოლოს რას ეტყოდით გულშემატკივარს?
- გულშემატკივარს ვთხოვ, რაც შეიძლება მრავლად მოვიდეს სტადიონზე და გაამხნევონ ჩვენი ფეხბურთელები. ჩვენც ჩვენი მხრიდან ვეცდებით, რომ გულშემატკივარს ლამაზი თამაში შევთავაზოთ და გამარჯვება მოვიპოვოთ.
- U19. საბურთალო VS ბროდარაცი - "მიხეილ მესხზე" ფეხბურთი გვიხმობს!
![საქართველოს თასის ფინალური მატჩის შემდეგ, გულშემატკივრებმა სტიუარდებს ფიზიკური შეურაცხყოფა მიაყენეს [VIDEO]](/pictures/image7/f0934612d6018858b98dd76342cf9900.png "საქართველოს თასის ფინალური მატჩის შემდეგ, გულშემატკივრებმა სტიუარდებს ფიზიკური შეურაცხყოფა მიაყენეს [VIDEO]")
![დრამატული ფინალი შეხლა-შემოხლითა და კომპენსირებულ დროში გატანილი გოლით - "საბურთალომ" თასი მოიპოვა [VIDEO]](/pictures/image7/e7cd1ebf6d55c8444c189b08bc806cb2.png "დრამატული ფინალი შეხლა-შემოხლითა და კომპენსირებულ დროში გატანილი გოლით - \"საბურთალომ\" თასი მოიპოვა [VIDEO]")
![საქართველოს თასის ფინალი. "საბურთალო" - "დინამო" (ბთ) [LIVE]](/pictures/image7/bdcde5368c31850f5b494685ea386a73.jpg "საქართველოს თასის ფინალი. \"საბურთალო\" - \"დინამო\" (ბთ) [LIVE]")
