26 აპრილს, ტურნირის მესამე დღეს ერთმანეთს კიევის "დინამო" და "ესპანიოლი" შეხვდნენ. კიეველებმა მატჩის დებიუტშივე ივან ვიდოსევიჩის დარტყმით გახსნეს ანგარიში. უკრაინელებს არც ამის შემდეგ დაუგდიათ ტემპი და ბევრს უტევდნენ მეტოქეს, რომელსაც მატჩამდე უკვე 6 ქულა ჰქონდა დაგროვებული.
"ესპანიოლი" მეთოდურად თამაშობდა და არანაკლებ სახიფათოდ უტევდა. საბოლოოდ ამან შედეგი 41-ე წუთზე გამოიღო და შეცვლაზე შესულმა ჟერარ პერეირამ თანაფარდობა აღადგინა.
ორივე გუნდის მცდელობის მიუხედავად, ანგარიში აღარ შეცვლილა და "ესპანიოლმა" ჯგუფში 7 ქულით პირველი ადგილი დაიკავა. ესპანელები ტურნირის ნახევარფინალში "ჯენოასა" და მინსკის "დინამოს" შორის საუკეთესოს
დინამო კიევი 1:1 ესპანიოლი
გოლი: ვიდოსევიჩი, პერეირა
გაფრთხილება: ვოლოშინი, მოლინო, რამოსი, პ. მოლინა
დინამო კიევი: ფასტოვი, ბერეზანსკი, ბოლი, მელნიკი, მიშჩენკო, ოპანასენკო (პოპოვი 60), ორუჯევი, ვოლოშინი, ვიდოსევიჩი, ზდირკო (სკრიპნიკი 60), კირილიუკი
ესპანიოლი: პლაზა, დ. მოლინა, კონატე, მოლინო, კუენკა, რეგატიიო, ფორტუნი (პერეირა 36), კასტელი, ნიეტო (პ. მოლინა 51), ჟუსტო, ჟისპერი (ფელისესი 57)
* * *
დღევანდელი დღის მეორე მატჩში "სფფ-ის აკადემია" მოსკოვის "სპარტაკს" შეხვდა. საინტერესო მატჩი საბოლოოდ მოსკოველების გამარჯვებით, 2:1 დასრულდა და "სპარტაკი" ნახევარფინალში "დინამო თბილისს" შეხვდება.
დღევანდელი მატჩი კი მაღალ ტემპში წარიმართა. სტუმრებმა მე-20 წუთზე მოახერხეს ანგარიშის გახსნა. თავი მაქსიმ ერმაკოვმა გამოიჩინა. მეორე ტაიმის დასაწყისში დავით გოგოხიამ ანგარიში გაათანაბრა და სფფ-ის ფეხბურთელებმა უფრო მეტად შეუტიეს მეტოქეს, თუმცა გოლის გატანა ვეღარ მოახერხეს.
"სპარტაკმა" კი მატჩის დამთავრებამდე 10 წუთით ადრე კიდევ ერთი გოლი გაიტანა. თავი ვიტალი შიტოვმა გამოიჩინა. ამრიგად, "ბ" ჯგუფში პირველი ადგილი 7 ქულით "ესპანიოლმა" დაიკავა, მეორე ადგილზე მოსკოვის "სპარტაკი", 6 ქულით გავიდა. მესამე ადგილი კიევის "დინამომ" 4 ქულით დაიკავა და "სფფ-ის აკადემია" უქულოდ მეოთხე ადგილზეა.
სფფ-ის აკადემია 1:2 სპარტაკი
გოლი: ერმაკოვი, გოგოხია, შიტოვი
გაფრთხილება: პატაშური
სფფ-ის აკადემია: კაპანაძე, ტალახაძე, სეხნიაშვილი, აბჟანდაძე, ლატარია, ფოცხვერია, გოგოხია, მაყაშვილი, მეხტიევი, პატაშური (კოტია 65), ქუნთელია
სპარტაკი: მელოიოხინი, გენჩუ, დეტენიშევი, ერმაკოვი, ლაიკინი, ლაშკოვი, ალ. მირონოვი (ზავოლოკინი 40), არ. მირონოვი, პილიპენკო, საფარიანი, შიტოვი (შაგიახმეტოვი 58)
მომზადებულია fcdinamo.ge-ს მიხედვით
