"სამტრედია" პირველი ტაიმის შემდეგ "ტობოლთან" 0:1-ს აგებს

ევროპა ლიგის პირველი საკვალიფიკაციო ეტაპის განმეორებითი მატჩის პირველი ტაიმი "ტობოლსა" და "სამტრედიას" შორის 1:0 დასრულდა.

"სამტრედიამ" თბილისში, მიხეილ მესხის სახელობის სტადიონზე ზედ მსაჯის საფინალო სასტვენის წინ გაუშვა გოლი და 0:1 დამარცხდა. ამიტომ შემდეგ ეტაპზე გასასვლელად გამარჯვება სჭირდება. 8 432-იან სტადიონზე დაახლოებით 5 ათასი მაყურებელი მივიდა, ტემპერატურა კი 27 გრადუსია.

"სამტრედიის" მწვრთნელმა გია ცეცაძემ, პირველ შეხვედრისგან განსხვავებით, ძირითად შემადგენლობაში ორი ცვლილება განახორციელა - ფანცულაიასა და ჩაჩუას ნაცვლად სასტარტოში ახალაძე და ლიპარტია დააყენა.

მასპინძლებმა უკვე მე-12 წუთზე გახსნეს ანგარიში და ისედაც მძიმე მდგომარეობაში მყოფი ქართული გუნდი ურთულეს ვითარებაში აღმოჩნდა. ამის შემდეგაც უპირატესობას "ტობოლი" ფლობდა და 27-ე წუთზე კვეკვესკირმა წინ გამოსული პოგორილის კარში ვერ მოახერხა ბურთის გატანა. 37-ე წუთზე კი მოროშნიჩენკომ მცველების შეცდომით ისარგებლა, გოლკიპერთან პირისპირ გავიდა და ჩინებული მომენტი ვერ გამოიყენა.

მოკლედ, "სამტრედიას" შემდეგ ეტაპზე გასასვლელად 2 უპასუხო გოლის გატანა სჭირდება, მაგრამ მისი თამაში ოპტიმიზმის საფუძველს ნაკლებად იძლევა.

კუსტანაი. "ორტალიგი"
ტობოლი - სამტრედია 1:0
გოლი: 1:0 ტურისბეკი (12)

ტობოლი: ნეპოგოდოვი, მიროშნიჩენკო, კასაი, ზულპა, დმიტრიენკო, ბისტროვი, ფედინი, კვეკვესკირი, კანკავა, ნურგალიევი, ტურისბეკი

სამტრედია: პოგორილი, გურული, ფატიჩი, გოგიაშვილი, ახალაძე, ენდელაძე, მამასახლისი, ბაჩიაშვილი, გი, ლიპარტია, მაქაცარია