საქართველოს 17 წლამდე გოგონათა ნაკრებმა ევრო 2019-ის ელიტრაუნდში თამაშის უფლება მოიპოვა. ჩვენი გუნდი საკვალიფიკაციო რაუნდის ბოლო შეხვედრაში, 23 ოქტომბერს ლატვიას დაუპირისპირდა და 2:0 დაამარცხა მეტოქე. ქართველმა გოგონებმა ორივე გოლი პირველ ნახევარში გაიტანეს. მე-8 წუთზე ანგარიში ნათელა წოწერიამ გახსნა, მე-17-ზე კი, მეტოქის კარი ნათია დანელიამ აიღო და საბოლოო ანგარიში დააფიქსირა.
მოპოვებული გამარჯვებით საქართველოს 17-წლამდელთა ნაკრებმა 4 ქულა დააგროვა, ჯგუფში მესამე ადგილი დაიკავა და საუკეთესო მესამეადგილოსნის სტატუსით ელიტრაუნდში თამაშის უფლება მოიპოვა.
2019 წლის 17 წლამდე გოგონათა ევროპის ჩემპიონატის ელიტრაუნდში მონაწილეობას 28 გუნდი
ელიტრაუნდის წილისყრა მიმდინარე წლის 23 ნოემბერს გაიმართება, შეხვედრები კი - 2019 წლის გაზაფხულზე. ჯგუფების გამარჯვებული შვიდი საუკეთესო გუნდი კონტინენტის პირველობის მასპინძელ ბულგარეთს შეუერთდება და 2019 წლის 5-17 მაისს ევროპის უძლიერეს გუნდს გამოავლენს.
საქართველო 2:0 ლატვია
გოლები: 1:0 წოწერია (8), 2:0 დანელია (17)
გაფრთხილება: 11' ოსინინა, 26' ტრეიმანე, 34' წულაია, 44' როჟაშჩენოკა, 84' ვიტმორე, 86' დანელია
საქართველო: გაბელაია, ქადაგიშვილი, გურიელიძე, რაუხი, დანელია, ეჯიბია, ბებია (46' აკობიძე), მწყერაშვილი (90+1' ცაავა), ბოლქვაძე, წულაია, წოწერია (85' გოცირიძე)
სათადარიგო შემადგენლობა: მჟავია, გოროზია, თავართქილაძე, რომანჩუკი
მთავარი მწვრთნელი: ლევან ბაჯელიძე
სუპერსენსაცია. ჰოლანდიასთან განადგურების შემდეგ საქართველოს 17-წლამდე გოგონათა ნაკრებმა შვედეთს ფრე გაუგორა
საქართველოს 17-წლამდე გოგონათა ნაკრები ჰოლანდიასთან 0:16 განადგურდა
მომზადებულია Gff.ge-ს მიხედვით
