საქართველოს ჩემპიონმა “საბურთალომ” თურქულ შეკრებაზე მორიგი ამხანაგური შეხვედრა გამართა – ამჯერად, თბილისელები ბოსნიის პირველადგილოსან “სარაევოს” გაეჯიბრნენ. გოლებით დახუნძლული სპარინგ-მატჩი 3:3 დასრულდა.
დებიუტშივე საბურთალოელები დაწინაურდნენ – ოგნენ როლოვიჩმა “საბურთალოს” მაისურით პირველი გოლი გაიტანა. მალევე მეტოქემ გაათანაბრა. თუმცა, ზედ ტაიმის მიწურულს მონტენეგროელმა ფორვარდმა დუბლი მიითვალა – როლოვიჩმა თავით მოახერხა მეტოქის კარის აღება.
მეორე ნახევარში ბოსნიელებმა ჯერ გაათანაბრეს ანგარიში, შემდეგ კი წინ გასვლაც მოახერხეს. შეხვედრას საბოლოო წერტილი გურამ გოშთელიანმა დაუსვა, 3:3.
გიორგი ჭიაბრიშვილის შეგირდები მორიგ ამხანაგურ შეხვედრას 15 თებერვალს რუსეთის პრემიერლიგის “ახმატთან” გამართავენ.
თურქულ შეკრებაზე “სარაევოსთან” გამართული შეხვედრა მეექვსე გამოდგა ჩვენი კლუბისთვის. საბურთალოელებმა რუმინულ “ვიტორულს” 2:1, ხოლო სერბულ “ნაპრედაკს” 3:0 აჯობეს. ფრედ დაასრულეს მატჩები მაკედონიის “პანდევის” აკადემიასთან (0:0), შვედურ “ესკილსტუნასთან” (1:1) და “ბოსნიურ “სარაევოსთან” (3:3). ხოლო ერთ შეხვედრაში, მაკედონურ “რაბოტნიჩკთან” 1:2 დამარცხდნენ.
საბურთალო: შელიხოვი, მალი, ცნობილაძე, კაკუბავა, თევზაძე, ალთუნაშვილი, ტერა, შინდაგორიძე, გვარაძე, დვალიშვილი, როლოვიჩი
შეცვლაზე შევიდნენ: ჩაბრაძე, მარგველაშვილი, ჯინჯოლავა, ლაკვეხელიანი, ვაგნერი, კოხრეიძე, დიასამიძე, გოშთელიანი
fcsaburtalo.ge
![alt](/pictures/image50/8f661a5a0b0c08dae72e1dbc0174adf1.jpg ""საბურთალო"-"სარაევო" 3:3 - თბილისელთა მონტენეგროელმა ახალწვეულმა დუბლი შეასრულა")
"საბურთალო" შვედეთის "ესკილუნტას" დაუზავდა
![ეროვნული ლიგა. XXX ტური. "ტორპედო" - "საბურთალო" [LIVE]](/pictures/image7/fe95d5f15fbb87dc59268ad75bf2a8c7.png "ეროვნული ლიგა. XXX ტური. \"ტორპედო\" - \"საბურთალო\" [LIVE]")
![ეროვნული ლიგა. XXVIII ტური. "ლოკომოტივი" - "საბურთალო" [LIVE]](/pictures/image7/52ba319a58928778cd09abfb71efffb1.png "ეროვნული ლიგა. XXVIII ტური. \"ლოკომოტივი\" - \"საბურთალო\" [LIVE]")
