ევროპა ლიგის მეორე საკვალიფიკაციო ეტაპის საპასუხო მატჩში თბილისის "დინამოსთან" დამარცხების (0:3) შემდეგ "გაბალას" მწვრთნელმა ზაურ ჰაშიმოვმა პრესკონფერენციაზე შემდეგი განაცხადა:"გუნდში საკმაოდ სერიოზული რეორგანიცაზიაა. ცვლილებებია ბიუჯეტში. ამან განაპირობა ეს შედეგი. თუმცა ამ შემადგენლობითაც შესაძლებელი იყო წარმატების მიღწევა. მეტოქე საკმაოდ ძლიერი იყო და აზერბაიჯანულ მედიაში არ შემხვედრია სტატია, სადაც "დინამოს" მიმართ დამაკნინებელი სიტყვები ეწერა.
რაც შეეხება ზუნიჩს, ქირურგიული ჩარევა დასჭირდა, მას მოტეხილობა აქვს. ოპერაცია, შესაძლოა, ამ წუთებშიც მიმდინარეობს. სასწრაფო დახმარების ექიმების მიერ დათვალიერების შემდეგ აღმოჩნდა, რომ მას ლოყის ქვედა ნაწილში აქვს მოტეხილობები",
თბილისის "დინამო" ევროპა ლიგის მესამე საკვალიფიკაციო ეტაპზეა, სადაც მისი მეტოქე როტერდამის "ფეიენოორდი" იქნება.
პირველი მატჩი 8 აგვისტოს ჰოლანდიაში გაიმართება.
![alt](/pictures/image50/ed51a9e5914694454363aa01aeedade8.jpg ""გაბალას" მწვრთნელი: ამ შემადგენლობითაც შესაძლებელი იყო წარმატების მიღწევა")
თბილისის "დინამომ" "გაბალას" უპრობლემოდ სძლია და "ფეიენოორდთან" დაპირისპირება ელის [VIDEO]
![alt](/pictures/image50/fa4228450fa05fcfdf57d460d7be855e.jpg ""გაბალას" მწვრთნელი: ამ შემადგენლობითაც შესაძლებელი იყო წარმატების მიღწევა")
ფელის ვისენტე: "ფეიენოორდისთვის" მაქსიმალურად ვემზადებით, ამ მატჩს ყველა ელოდება
