სპორტულმა გაზეთმა "ლელომ" ინტერვიუ ჩაწერა საქართველოს ნაკრების ყოფილ შემტევ გოგიტა გოგუასთან, რომელიც ამჟამად თბილისის "შევარდენი 1906"-ის მოთამაშე-მწვრთნელია და ფეხბურთელმა ეროვნული გუნდიდან მისი გაშვების შესახებ ისაუბრა.
"მოედანზე 3-4 კაცს ვერ ვატყუებდი, მაგრამ ყოველთვის გულს ვდებდი. დრო გავიდა და მახსენება ის უსიამოვნებები, რომლებიც მწვრთნელებთან მქონია. ვფიქრობ და თავს დამნაშავედ მაინც ვერ ვაღიარებ. მოედანზე ყველაფერზე პასუხისმგებელი მოთამაშეა.
თავს არავის დავუხრიდი და შეურაცხყოფას არავის ვუტარებდი, რადგან პიროვნება თუ არ ხარ, ვერაფერს მიაღწევ. საწყენია, რომ ეს ზოგს სხვაგვარად ესმოდა. იცით, გული რაზე მწყდება? ერთი ხელის
მოსმით მომიშორეს, თანაც რის გამო? ვარჯიშზე ერთი არასწორი პასისთვის...
დღემდე მიმაჩნია, რომ უსამართლოდ მომექცნენ. სწორედ ეს გამოცდილება მალაპარაკებს, რომ მწვრთნელის უპირველეს მოვალეობაში ერთ-ერთი მთავარი ფეხბურთელთან ურთიერთობის დალაგება და მისი კარგად გაგებაა, პირდაპირ ხელი კი არ უნდა ჰკრა", - აღნიშნა გოგუამ.
გოგიტამ კომენტარი საქართველოს ნაკრების მთავარ მწვრთნელ ვლადიმირ ვაისზეც გააკეთა, რომელთან ერთადაც ადრე უმუშავია.
"რამენსკოეს "სატურნში" მუშაობის პერიოდში ვაისმა გუნდში მიმიწვია და სანამ მთავარი მწვრთნელი გახლდათ, ყველა შეხვედრა ძირითად შემადგენლობაში დავიწყე. მასთან ვარჯიში და მოედანზე გასვლა მსიამოვნებდა. არც კი მიცნობდა და მაინც მენდობოდა.
ნაკრებში 1 თამაშის შანსის მოცემის ღირსი ვიყავი. გული მწყდება, რომ ეს არ მოხდა. ბოლოს კახა ცხადაძემ გამომიძახა, თუმცა შემდეგ კუნთი გამიწყდა და ეს შესაძლებლობა ვერ გამოვიყენე. მაგრამ მიწვევისათვის მუდამ კახა ცხადაძის მადლობელი ვიქნები".
ბოლოს გოგუა ბელარუსთან მარტის დაპირისპირებასაც შეეხო.
"ბელარუსთან შეხვედრას აუცილებლად მოვიგებთ. ჩვენი მეტოქე არაა ის გუნდი, რომ ვერ დავამარცხოთ. რაც მთავარია, ვაისმა ისეთი ნაკრები ჩამოაყალიბა, სადაც ბიჭები თავდაუზოგავად იბრძვიან - მე ამ გუნდის მეიმედება.
ჩვენი ნაკრებიდან ჯაბა კანკავას გამოვარჩევდი. როცა ასეთი კაპიტანი გყავს, ბევრს შეძლებ. პლუს - ლორია, კვირკველია, ოქრიაშვილი, რომელთაც მაღალ დონეზე უთამაშიათ. ბევრი კარგი ფეხბურთელი გვყავს, მათ შორის, ახალი თაობიდან და წარმატებები მინდა ვუსურვო გუნდს.
თავს უნდა შთააგონონ, რომ მეტი შეუძლიათ. დააკვირდით, ქართველი ლამის ყველა ქვეყანაში გუნდის ლიდერია. ერთა ლიგის ბარიერის გადასალახავად მათ თავდაჯერებულობა სჭირდებათ და ყველაფერი კარგად იქნება. მჯერა, ევროპის ჩემპიონატზე მოხვედრის ოცნება აგვიხდება", - განაცხადა გოგუამ.
გოგიტა გოგუა: ქეცბაიას შეურაცხყოფა არ ვაპატიე
გოგიტა გოგუა: არ უნდა დამეჯერებინა რომან ფიფიასთვის...
ნეტა მართლა ასე იყოს...
გატუზოც იყო ხისტი მარა აკეთებდა საქმეს და ფეხბურთელი იყო. ღმერთმა ხელი მოუმართოს ყველა საქმეში