მეუფე იაკობმა გიორგი შაქარაშვილის მკვლელობაზე განცხადება გააკეთა

AutoSharing Option
ბოდბელი ეპისკოპოსის, მეუფე იაკობის განცხადებით, ის ვერ ამჩნევს, რომ პროკურატურა ან შინაგან საქმეთა სამინისტრო გიორგი შაქარაშვილის გარდაცვალების საქმეზე ვინმეს ხელს აფარებდეს.

როგორც მეუფე იაკობმა ჟურნალისტებს განუცხადა, დავით სარალიძის მკვლელობის ამბავმა აჩვენა, რომ არაფერი ჩაიფარცხება.

"მე ვერ შევამჩნიე ვერც პროკურატურას, ვერც შსს-ს ვიღაცას ხელს აფარებდნენ. რაც მთავარია ითქვა, რომ ეს იყო მკვლელობა, აქაც ჩემი გულისტკივილი მინდა გამოვხატო. ვუსამძიმრებ შაქრაშვილის სიკვდილს არა მთელ საქართველოს, მხოლოდ ოჯახს.

ჟურნალისტებმა ბევრი რამ გააკეთეს, მაგრამ არ მგონია, რომ ეს ძიებაც არ მისულიყო ამაზე და უფრო ღრმადაც
ჩავლენ ალბათ. ჩემთვის გულსატკენია, რომ აქეთაც ახალგზარდები არიან. იქით გარდაცვლილი გვყავს და აქეთ კიდევ ამდენი ახალგაზრდა. ჩემი თხოვნა იქნება, ოჯახის ტრაგედიას და გიორგის ტრაგედიას პოლიტიკოსები ნუ შეეხებიან,"- განაცხადა მეუფე იაკობმა.

შეგახსენებთ, რომ ექსპერტიზის დასკვნით, გიორგი შაქარაშვილის სიკვდილის მიზეზია ასფიქსია წყალში დახრჩობით.

გენერალური პროკურატურის ინფორმაციით, შაქარაშვილის გარდაცვალების საქმეზე უკვე არსებულ კვალიფიკაციას დამამძიმებელ გარემოებებში ჯგუფურად განხორციელებული განზრახ მკვლელობა დაემატა.

წყარო: IPN.GE


მკითხველის კომენტარები / 17 /
არ დაბლოკოთ ! ჯერ იყო და ნათელაშვილის მოძღვრება შემოგვთავაზეთ, ეხლა იაკობი გამოგვეცხადა.იქნება სპორტულ თემებს დაუთმოთ მეტი დრო? ყველამ თავის საქმეს რომ მიხედოს, არ ჯობია? მე მგონი , ნაკლებად საინტერესოა მეუფე იაკობის მოწოდებები, მითუმეტეს განსაკუთრებული არაფერი უთქვამს
: )))))))
02:22 13-07-2020
1
ამ მეუფის და მისი ამალის შექმნილ სახელმწიფოში ეს მოვლენა მე არ მიკვირს რადგან ჩვენი ქვეყანა დღემდე მხედრიონელების სამართალ მემკვიდრე ქვეყანად რჩება, ეს ყველა ჭკუათმყოფელმა მოქალაქემ ძალიან კარგად იცისიცის
ბაჩი
01:10 13-07-2020
1

ასევე დაგაინტერესებთ
სიახლეები პოპულარული