ჩისკომ ევროპა ლიგის კენჭისყრის შედეგი შეაფასა

ფოტო: facebook.com/pg/DINAMOTB

თბილისის "დინამოს" მთავარმა მწვრთნელმა ჩისკო მუნიოსმა სპორტულ საიტ "live.ge-სთან" საუბრისას თბილისურ კლუბში დაბრუნებაზე და ევროპა ლიგის კენჭისყრის შედეგის შესახებ ისაუბრა.

"ჩემთვის ამ გუნდში ყოფნა ყოველთვის ბედნიერების ტოლფასია, რადგან "დინამო" ჩემი მეორე სახლია. კლუბში არყოფნისას განშორებასაც კი ვერ ვგრძნობ. აქ ბოლოს 7 თვის წინ ვიყავი და ისეთი შეგრძნება მაქვს, თითქოს ეს გუშინ იყო. კლუბის ყველა თანამშრომელი ჩემთვის ძალიან ახლობელი და დასაფასებელი პიროვნებაა, მათთან ბრწყინვალე ურთიერთობა მაქვს.

რაც შეეხება ევროპა ლიგას, მოკლე დროში შეფასების გაკეთება გამიჭირდება, თუმცა ჩვენი სამწვრთნელო შტაბი ყველაფერს

განიხილავს, რის შემდეგაც მეტოქის ძალისა და დონის შესახებ კონკრეტული წარმოდგენა გვექნება.

ერთი რამის თქმა კი შემიძლია, ამ ეტაპზე სუსტი გუნდები არ არიან. პირველ რიგში, ჩვენი გუნდის მენტალური მდგომარეობა უეკთესობისკენ უნდა შევცვალოთ. დანარჩენი კი მომავალში გამოჩნდება და თავის საუკეთესოდ წარმოჩენას შევეცდებით", - განაცხადა ჩისკომ.

მოგეხსენებათ, ევროპა ლიგის მეორე საკვალიფიკაციო ეტაპზე თბილისელთა მეტოქე უელსის ჩემპიონი "ქონაჰ'ს ქუაი ნომადსი" იქნება. შეხვედრა 17 სექტემბერს უელსში გაიმართება.

alt ევროპა ლიგაზე თბილისის "დინამოს" მეტოქე ცნობილია