სფფ ქუთაისში საფეხბურთო აკადემიას ააშენებს

AutoSharing Option
საქართველოს ფეხბურთის ფედერაცია ქუთაისში საფეხბურთო აკადემიის მშენებლობას იწყებს.

პროექტის მიხედვით ადგილზე ორი ხელოვნური და ორი ბუნებრივსაფარიანი მოედანი მოეწყობა ხელოვნური განათებით. ორი მოედნისთვის კი, ტრიბუნა და ელექტრონული ტაბლო დამონტაჟდება. საფეხბურთო ინფრასტრუქტურასთან ერთად აკადემიის ტერიტორიაზე საცხოვრებელი და ადმინისტრაციული კორპუსები აშენდება.

​პროექტის დასრულების შემდეგ აღნიშნული ინფრასტრუქტურით საქართველოს ფეხბურთის ფედერაციის იმერეთის აკადემიის 14 და 15-წლამდე გუნდები ისარგებლებენ. აკადემიის აღსაზრდელების გარდა, კომპლექსის გამოყენება ადგილობრივ საფეხბურთო სკოლებს, მოყვარულთა და ქალთა გუნდებს შეეძლებათ.

საქართველოს ფეხბურთის ფედერაციას მიწა აკადემიის ასაშენებლად ეკონომიკის სამინისტროს ქონების ეროვნული სააგენტოსგან შესაბამისი ინფრასტრუქტურის მოწყობის
ვალდებულებით გადაეცა. აღნიშნული პროექტი ფეხბურთის ფედერაციის, ფიფას და უეფას დაფინანსებით განხორციელდება. ქუთაისის საფეხბურთო აკადემიის მშენებლობის დასრულება 2021 წლის ბოლოს იგეგმება.

წყარო: gff.ge


მკითხველის კომენტარები / 5 /
დიდებულია,მრავალი ასეთი საფეხბურთო ინფრასტრუქტურა ჭირდება საქართველოს,ქართულ ფეხბურთს ყველა რეგიონში.კარგი იქნება თუ ფედერაცია მალე დაიწყებს მწვრთნელთა (რამდენიმე ათეულია ამ ეტაპზე საჭირო)გადამზადებას საზღვარგარეთის მოწინავე ქვეყნებში,რათა ბავშვთა ფეხბურთს მაღალი კვალიფიკაციის მწვრთნელები ზრდიდნენ.
sake
16:44 19-09-2020
0
კობი შენზე ამბობენ სიტყვის კაციაო და რაც დაპირდი ქუტაისლებს ხომ არ დაგავიწყდა
digela
10:20 19-09-2020
2

ასევე დაგაინტერესებთ
სიახლეები პოპულარული