ფუტსალის ევროპის ჩემპიონატის საკვალიფიკაციო ეტაპის ბოლო მატჩში საქართველოს ნაკრები სტუმრად რუსეთთან 0:3 დამარცხდა.
ჯგუფში უკვე ყველაფერი გარკვეული იყო. რუსეთი პირველი ადგილზე გავიდა, საქართველო - მეორეზე. ორივე გუნდს განაღდებული ჰქონდა ევროპირველობის ფინალური ტურნირის საგზური და მატჩის შედეგს სატურნირო თვალსაზრისით არავითარი პრაქტიკული მნიშვნელობა არ ჰქონდა.
საქართველოს ნაკრების მწვრთნელმა ავთანდილ ასათიანმა რიგი წამყვანი მოთამაშები დაასვენა, მატჩი კი, როგორც მოსალოდნელი იყო, მასპინძელთა უპირატესობით წარიმართა და მათივე გამარჯვებით დასრულდა.
შეგახსენებთ, პირველ წრეში რუსეთმა საქართველოს ნაკრებს თბილისში 4:0 სძლია.
მოსკოვის ოლქი. შელკოვო
რუსეთი - საქართველო 3:0
გოლები: 1:0 რობინიო (2), 2:0 აფანასიევი (3), 3:0 აფანასიევი (24)
რუსეთის წინააღმდეგ რევანშის მოლოდინში!
