ვინაიდან ხვიჩა კვარაცხელიას "ნაპოლიში" გადასვლა ფაქტიურად გადაწყვეტილია, მის თამაშს ბათუმის "დინამოში" ყურადღებით აკვირდებიან. ხვიჩას ქუთაისის "ტორპედოსთან" გატანილ ლამაზ გოლს იტალიური მედია გამოეხმაურა.
Ilmattino: "კვარაცხელიას კიდევ ერთი შოუ ბათუმში: სამი გოლი და მაგია, რომელსაც "ნაპოლიში" ელიან. ნეაპოლში ჩამოსვლის წინ სამი გოლი გაიტანა. ქართველი მნიშვნელოვან წუთებს აგროვებს, რათა სეზონის ბოლო ნაწილი არ გაუცდეს. ძალიან საინტერესო შეხვედრების სერია ჩაატარა, გუშინაც გაიტანა და მაშინვე "ნაპოლის" გულშემატკივართა ყურადღება მიიპყრო, რომლებიც მზად არიან ზაფხულში მიესალმონ".
Eurosport: "ხვიჩა კვარაცხელია "ნაპოლის" ფანების გულებს იპყრობს. კიდევ ერთი მარგალიტი "ნაპოლის"
ორბიტაზე მყოფი მოთამაშისგან, რომელმაც მომავალ სეზონში სასტარტოში ლორენცო ინსინიე უნდა შეცვალოს. ქუთაისში "ტორპედოსთან" ულამაზესი გოლი გაიტანა".
Spazionapoli: "ხვიჩა კვარაცხელია ნეაპოლელთა ორბიტაზე ახალი სახელია. 21 წლის ქართველი თავდამსხმელი დიდი ალბათობით ახალ სეზონში კრისტიანო ჯუნტოლის (კლუბის სპორტული დირექტორი) პირველი შენაძენი გახდება. ომის გამო ის "რუბინიდან" სამშობლოში დაბრუნდა და ბათუმის "დინამოში" შესანიშნავად ასპარეზობს. უკვე სამი გოლი გაიტანა - ბოლო ქუთაისის "ტორპედოთან". მან საბოლოო ანგარიში (3:0) დიდებული გოლით დააფიქსირა და ძალიან მოგვაგონებს ინსინიეს, რომელიც "ნაპოლიში" უნდა შეცვალოს".
![alt](/pictures/image50/0ddba5acef36e22a575a99bad6a294d8.jpg ""ხვიჩას მაგია და გოლი-მარგალიტი" - იტალიური მედია")
ფლამარიონის დუბლი, კვარაცხელიას გოლი და ბათუმელთა ზედიზედ მეხუთე გამარჯვება [VIDEO]
სხვა დროსაც დავდიოდითო და ნუ მიაწერთ კვარაცხელიასო, ასეთი კომენტარები მოვისმინე ბათუმლებისგანაც და ქუთაისლებისგანაც. გასაგებია ვინც დადიოდა კარგია, მაგრამ ხო ყველა ვხედავთ რომ გაიზარდა რიცხვი? რატომ უნდა დავმალოთ ეგ? ცოცხალი მაგალითი ვარ პირადად და საერთოდ არ მიტყდება ვინმე კონკრეტული ფეხბურთელის გამო სტადიონზე მისვლა.
უამრავი იყო ჩემს ირგვლივ ასეთი. მერე რა?
შეთავაზონ სხვებმაც მაყურებელს მსგავსი ლამაზი თამაში და იმათ გამოც წავალ. არავინ არავის აკნინებს ამის ფონზე, ნუ გიტყდებათ, თუ ვინმე კვარაცხელიას გამო მივიდა სტადიონზე და თავმოყვარეობაზე ნუ გირტყამთ ეგ. პირიქითაა ეს ყველაფერი და ძალიანაც სასიხარულოა.