ფიფია ფეხბურთში საერთოდ ვერ ერკვევა - ჟურნალისტმა მერაბ მეტრეველმა ქართული კლუბების მარცხი შეაფასა

AutoSharing Option
კონფერენს ლიგაზე ქართული კლუბების მარცხი "პალიტრანიუსის" ჟურნალისტმა მერაბ მეტრეველმა "ფეისბუქგვერდზე" შეაფასა:

"სამი ქართული გუნდი გამოდიოდა კონფერენსლიგაზე და სამივემ წააგო.
ყველაზე დიდი საოცრება კი თბილისის "დინამომ" ქნა - ესტონურ გუნდთან სახლში 2:3 წააგო, თან ისე, რომ თამაშის დასრულებამდე 10 წუთით ადრე 2:1-ს იგებდა.

ისეთი სულელური გოლები გაუშვეს, ლამისაა ვიფიქრო, რომ საკუთარ წაგებაზე დადებული ჰქონდათ. ეს ხუმრობით, რა თქმა უნდა, თუმცა რა გვაქვს სახუმარო? ჩვენი ჩემპიონატი უკვე ყველას ჩამორჩება. რომ არა ბათუმის "დინამო", მთლიანად მოგვეჭრებოდა თავი.

ცალკე უნდა ითქვას რომან ფიფიაზე, რომელიც
ყოვლად გაუგებარ პოლიტიკას ატარებს კლუბში და ალბათ მსოფლიოში საფეხბურთო კლუბის ერთადერთი მეპატრონეა, რომელიც ფეხბურთში საერთოდ ვერ ერკვევა.

თავი დავანებოთ იმას, ამდენი წელია მეტ-ნაკლებად ნორმალური გუნდი რომ ვერ შექმნა, ფეხბურთელების გაზრდითაც ვერ ხეირობს ნორმალურად. წარმოიდგინეთ, კვარაცხელია გაზარდეს და ისე გაუშვეს, კაპიკი ვერ იშოვეს. ამხელა ტალანტი ვერ ამოიცნეს და "რუსთავს" დაუთმეს. მამარდაშვილი "ლოკომოტივს" დაუთმეს (მისი გაყიდვიდან ფული კი შეხვდათ, რადგან განათხოვრებული ჰყავდათ, მაგრამ ასეთ მეკარეს რომ გაანათხოვრებ...). ასევე მარტივად გაუშვეს ზურიკო დავითაშვილი, ლობჟანიძე, ბოლოს აზაროვი და ა.შ. სია გრძელია.

ტიპი ფეხბურთელებს ვერ ცნობს და საქართველოს ნომერ პირველი გუნდის მეპატრონეა. ერთადერთი, მწვრთნელების ხშირად ცვლა ეხერხება."

შეგახსენებთ, ჩემპიონთა ლიგის პირველ საკვალიფიკაციო ეტაპზე ბათუმის "დინამო" ბრატისლავაში "სლოვანს" (0:0) დაუზავდა, კონფერენს ლიგაზე კი თბილისის "დინამო", გორის "დილა" და "საბურთალო" დამარცხდნენ. განმეორებითი მატჩები ერთ კვირაში შედგება.

altვისი ბრალია? "დინამო" და სხვები სანაკრებო წარმატებას ლაფს ასხამენ!

მკითხველის კომენტარები / 44 /
მოსაცილებელია ეს ადამიანი
beqa
08 ივლისი 2022 14:12
1
ეს თუ არ გააგდეთ თავისით არ წავა,რუსეთის აგენტები რამეს კარგს იზავენ საქართველოსთვიის?ერთი ბიძინამ ააშენა ქვეყანა თუ არ დაანგრია და მეორე რომანი ააშენებს დინამოს ..ორივე ქვეყნიდან გასაძევლები არიან..
ასევე
08 ივლისი 2022 15:10
36
100% გეთანხმები
beqa
08 ივლისი 2022 15:22
14
სექტა ყველგან სათავისოს ეძებს))
მარტვილელი
08 ივლისი 2022 17:36
4
ძნელია რამეში შეედავო, სამწუხაროდ სრული სიმართლეა!
Irakli
08 ივლისი 2022 14:56
4
მართლაც აჭრილია ფიფია, ასე ხშირად მწვრთნელების და სპ.დირექტორების ცვლას კარგი არაფერი რომ არ მოაქვს ვერ მიხვდა 12 წელია.აკადემიაშიც კარასკო დააბრუნა,რომელსაც არანაირი მოტივაცია არ აქვს ისე უჯიგროდ მუშაობს,საბურთალოდან გაუშვეს,გალოთებული იყო ტიპი და ამან აქ მოგვიყვანა,უამრავ ფულს უხდის,მაგ ხელფასზე კარგ ლეგიონერს მოიყვანდა,რომელსაც შემდეგ გაყიდდა და იხეირებდა.შეხედოს კიევს,შახტარს.იქ მწვრთნელებს 2-3 წელს აძლევდნენ და შედეგიც მიიღეს,სკაუტინგიც სწორი ჰქონდათ. აქ აგენტების და პროტეჟეების იგროკებითაა გუნდი სავსე და მწვრთნელს უწევს იმათთან მუშაობა ვინც ჰყავს და,რა შედეგს ვთხოვთ?კონკურენცია არაა არცერთ პოზიციაზე,როგორც ბათუმშია. იქმნება შთაბეჭდილება,რომ სულ სხვა რამისთვის ჭირდება გუნდის ყოლა,რაღაცის მასკიროვკაა))აბა სხვა რა უნდა იფიქრო როცა 12 წელია ერთ წრეზე ტრიალებ??
გია
08 ივლისი 2022 18:11
0
მად რაღაც სხვა "ბაზარი" მგონია...
Zviads
08 ივლისი 2022 18:44
0
ფიფიას პრობლემა მარტო იმაში არ არის რომ ფეხბურთში ვერ ერკვევა სათანადოთ. სხვა მაგალითები რომ ავიღოთ არც აზიელი შეიხები ერკვევიან მაგრამ ისინი აყენებენ კლუბებს მაღალ დონეზე( ფინანსური შეფარდება გასაგებია და არავინ ითხოვს ფიფიასგან მსოფლიოს ტოპ გუნდის დაყენებას) ამ კაცს არ მენეჯმენტში გაეგება რამე , კლუბის არც ერთი რგოლი არ მუშაობს ნორმალურად , მარტო მწრთვნელის კი არა დედაბუდიანად შესაცვლელია ყველა კადრი როგორც საბავშო ასევე ზრდასრულების.
SSSSSS
08 ივლისი 2022 16:18
1
მაგ სიაში გეგუჩაძეც არის ნომერ 1.ფულს შოულობს და კიდიაო ეს რო იყოს მართლა სისულელე სისულელეე აღარ გათავდა,3 წელი ეს ბენიო ბურთს აცილებს და გოლი გაგვდის..ჩივაძე არ ყოფილა ამდენ ხანს გავუშვათ(გაუშვან) მე დინამომ გული მომიკლა და საერთო გაგებით აღარ მოვიხსენიებ(((
მირო
08 ივლისი 2022 17:11
1
დღეს ძალიან მოდაშია რომან ფიფიას ლანძღვა,ფეხბურთი ერ ესმისო.შესაძლოა ასეცაა,მაგრამ როდისმე უთქვამს,მესმისო?შექმნა საფეხბურთო აკადემია,რომელიც საქართველოს ნაკრების მთავარი მომმარაგებელია.ესაა მაინც მთავარი.ადრე თუ დინამო იყო საქართველოს სახე,ახლა საქართველოს ნაკრებია და მისი შემადგენლობის უმეტესობა თუ მისი აკადემიის გაზრდილია,ესე იგი,დასაფასებელი ყოფილა მისი საქმიანობა.ასე არ არის?ასეა,მაგრამ გაღიზიანებულები,ამ კარგსაც აარაფრებთ.გაიხსენეთ როგორ ლანძღავდით თემურ ქეცბაიას,ახლა კი,მის მაშინდელ დამცველებს,რაიმე რომ წამოგვცდეს,ცოტა კრიტიკულად თქმული,აქეთ გადაგვივლით,თქვენ ვის უბედავთო.კარგი ბატონო და წავიდა ფიფია.არის მყიდველი,ვინც გუნდს ფულს დაახარჯავს და გააძლიერებს?მეეჭვება,თორემ სიხარულით მოიშორებდა.არავის უხარია,ყველა რომ გაგინებს.ახლა მეორე ვარიანტი,შეწყვიტა დაფინანსება და საერთოდ დახურა ყველაფერი.დინამო ჯანდაბას,მაგრამ ის აკადემიაც ხომ დაიხურება და ნაკრები შევსების მთავარ წყაროს დაკარგავს?რამდენი წელია სასამართლო დავას აწარმოებს,მისთვის წართმეული ქონების დაბრუნებისათვის,სადღაც 100 მილიონზეა საუბარი.წარმოდგენა არა მაქვს საქმის დეტალებზე,უბრალოდ ვიცი ეს ფაქტი,მაგრამ გიჟი ხომ არ არის ტყუოდეს და ჩიოდეს.თუ ეს ქონება დაიბრუნა.დინამოს დაფინანსებასაც ხომ გაცილებით უკეთესად შესძლებს?ან ვინმემ შესთავაზა კლუბის თანადაფინანსება?რაღაც არა მგონია.ასე რომ ოცნების წასვლისა არ იყოს,იმაზეც დაფიქრდით მისი დინამოდან წასვლით რა მოხდება და თუ მაინც მოითხოვთ მის წასვლას,ფეხბურთიდან,სწორედ იმის ღირსები იქნებით,რასაც თქვენ ფიფიასათვის იმეტებთ.თავის დროზე მილანის მილანი,მსოფლიოს ერთერთი საუკეთესო კლუბი იყო,მაგრამ როგორც კი,მისი მმართველი ადრიანო გალიანი წავიდა,ყველაფერი ისე აირია,სრული ქაოსი იყო და მხოლოდ წელს,ისიც ისე ,რომ არავის სჯეროდა თუ ამას შესძლებდა,გუნდმა დაიბრუნა ქვეყნის ჩემპიონის ტიტული.იქაც მწვრთნელთა ცვლა,ფეხბურთელთა მიდი-მოდი,უსახური გუნდი,რომლის ფეხბურთელებიც ცალცალკე საკმაოდ კვალიფიციურები იყვნენ,მაგრამ გუმდს არც სახე ჰქონდა და არც სტილი.დაახლოებით ასეა თბილისის დინამოშიც.კლუბის მენეჯმენტია გასაუმჯობესებელი.არ ვიცი რა ჰქვია დინამოში ამ თანამდებობას.არც ის ვიცი,რა ერქვა გალიანის თანამდებობას,მაგრამ სწორედ მაგ პოზიციაზეა ძლიერი კადრი საპოვნელი.მხოლოდ დინამოში კი არა,უმეტეს ქართულ კლუბებშიც.ამდენი კადრი,საქართველოს ნამდვილად არ ჰყავს და შესაბამისად ასეთი კადრების მომზადება,მწვრთნელთა მომზადებაზე არანაკლებადაა აუცილებელი.ეს სპორტის სხვა სახეობებსაც სჭირდება და ესე იგი საკმაოდ ბევრი კვალიფიციური მენეჯერი გვჭირდება.ამაზეა ზრუნვა საჭირო,სახელმწიფოებრივ დონეზეც კი.ჩვენ არა მხოლოდ სპორტში,ყველა ბიზნესში გვაქვს კვალიფიციური მენეჯმენტის პრობლემა.კი,ამზადებენ მენეჯერებს,ჩვენი უნივერსიტეტები,მაგრამ ეტყობა ან მათი ხარისხია ძალიან დაბალი,ან კიდევ სხვა სახის ბიზნესებისათვის ამზადებენ.მთლიანად საქართველოს პრობლემაა ეს და არა მხოლოდ ფიფიასი.კარგი მენეჯერი ფინანსებსაც მოიძიებს კლუბისათვის და სახელმწიფოს ხელში შემყურე აღარ იქნება ესა თუ ის კლუბი.ბავშვთა ფეხბურთთან ერთად ეს სფერო უნდა ამოიქაჩოს და ეს,შეუდარებლად გაზრდის ფეხბურთის მომგებიანობას.რა ფიფიას არ უნდა მეტი შემოსავალი მიიღოს,ან მისმა გუნდმა გაიმარჯვოს?ძალიანაც უნდა.სხვანაირად შეუძლებელია,მაგრამ ვერ ახერხებს,კადრების არყოლის გამო და ამის მიუხედავად მაინც აგრძელებს ამდენი შეურაცხყოფის მომტან საქმიანობას.გამოდის,რომ ფაქტობრივად მხოლოდ თავისი გინების ფასად, საქართველოს ფეხბურთს ამარაგებს ნიჭიერი ახალგაზრდობით.საქართველოში ესეც მოდაშია,ვინც საქვეყნო საქმეს აკეთებენ და ამაში საკუთარ სახსრებს ხარჯავენ,იმათ აგინებენ ისინი,ვისაც ნგრევის და ფულის კეთების მეტი არაფერი უკეთებიათ.თურმე მხარჯველნი მტრები არიან,ხოლო დამანგრეველნი,საქმისათვის თავდადებულნი.რა ვიცი,მერაბ მეტრეველმა ამას წინათაც დაწერა რაღაცა,ამ საიტმაც სტატიის სახით გადმოიტანა და ვიღაცამ რომ კრიტიკული შეფასება მისცა მერაბ მეტრეველის სტატიას,ჟურნალისტმა კრიტიკა ვერ აიტანა და მებრძოლი მამალივით მიაფრინდა კრიტიკოსს.სულ ორ სტრიქონიანი გამოხმაურება იყო მერაბ მეტრეველის მხრიდან და ამ ორ სტრიქონში,რვა შეცდომა დავითვალე.სახელიანმა ჟურნალისტმა,ამერიკის ხმაში რომ მუშაობს,ორ სტრიქონში რვა შეცდომა დაუშვა.გამოდის არც მას სცოდნია ქართული ენა და ჟურნალისტადაც ვერ უნდა იმუშაოს.როგორ გგონიათ თავს დაანებებს? არა მგონია.არც უნდა გაანებოს,მაგრამ შეცდომები გამოასწოროს და ხანდახან,ქართული ენის სახელმძღვანელოში ჩაიხედოს.მე რომ შემეშალოს რაღაცა,მეპატიება,მაგრამ ქართულ ენოვან ჟურნალისტს,ჩემზე მეტი მოეთხოვება.ყველა სფეროშია ასეა.პროფესიონალს,მეტი უნდა მოეთხოვებოდეს.
ძალიან გამიგრძელდა სათქმელი.ბევრი ალბათ არც წაიკითხავს,რა არის ამდენიო.ბევრი ალბათ დისლაიქსაც(დაწუნებას) დამისვამს,წაგებებით გაღიზიანებული,ბევრმა შეიძლება ჩემზეც თქვას ეს რას ერეკებაო,მაგრამ ვინც მაინც წაიკითხავთ,სანამ პირდაპირ დისლაიქზე გამიშვებს,ჯერ იმაზე დაფიქრდეს,ამდენი რისთვის ვიქაქანე.ბრაზი ყველაზე ცუდი მოკავშირეა,პრობლემის გადაწყვეტის დროს.ბრალდება პრობლემას ვერ წყეტს.პრობლემას,მისი გადაწყვეტის გზის მოძებნა გადაწყვეტს და თუ ვიპოვით,ფიფიაც მოიგებს,გორის დილაც,საბურთალოც და მთელი ქართული ფეხბურთიც.გვეყოს ლანძღვა და გინება.მე,რაღაცა გზას ვთავაზობ ქართულ ფეხბურთს,ალბათ სხვები სხვას მოიფიქრებენ.მხოლოდ ერთმანეთის თანადგომით შევძლებთ ფეხბურთის, თუ ზოგადად ქვეყნის ამოყვანას იმ უფსკრულიდან,სადაც ჩვენივე არაკომპეტენტურობის და სხვისი წამხედურობის გამო აღმოვჩნდით.ჩვენ თუ არ ვიფიქრეთ,ჩვენ გადარჩენაზე,სხვა არ და ვერ გვიშველის.ტვინი და ხელი უნდა გავატოკოთ,რადგან წყალწაღებულის გადასარჩენად,ხელის მოსმაა საჭირო.
სოსო
08 ივლისი 2022 16:40
24
რას ქვია დახუროს აკადემია ნინიას ბაღია თუ ჯიბის დანა. როგორც შეიძინა გუნდი ასევე გაასხვისოს და შესაბამისად თავად კაპიტალს მიიღებს ფულის სახით ხოლო ვინც შეიძენს დინამოს ის გააგრძელებს გუნდის შენებას და იქნებ უკეთაც.
გიოსვანი
08 ივლისი 2022 17:13
1
გეთანხმები, კომენტარების უმეტესობაში ბრაზი, იმედგაცრუება, ემოცია , დამნაშავის პოვნა, შური და ა.შ. ჭარბობს, ეს სენი ქვეყანაში ფეხმოკიდებულია, გეგმაზომიერად ,,ვიღაცა" ნოყიერ ნიადაგს ქმნის რომ ერი სულ ამ დაწყევლილ წრეზე გვატაროს.... ამ ფონზე იზრდებიან ფეხბურთელებიც და ნაკლები შრომით და სწავლით ჯეკპოტის მოხსნა უნდათ, არა ბატონო.....ქართული ფეხბურთი, შემადგენელ კომპონენტებთან ერთად, ახლიდან ასაშენებელი....
გუსანი
09 ივლისი 2022 12:16
0
ყველა გამოხმაურება
100%
შიშველი სიმართლე
08 ივლისი 2022 14:04
1
სიმართლეა როგორც იქნა დაწერა კულტურულად ვიღაცამ. ფიფია შეიძლება ცუდი კაცი არაა მაგრამ არ არის ფეხბურთი მაგის საქმე რა. კი არიან ისეთი შეიხები და ბიზნესმენები ვინც ფეხბურთში დიდად ვერ ერკვევიან მაგრამ იმათ ფული მაინც აქვთ იმდენი რომ უკვე გაქაჩულ აღიარებულ ფეხბურთელებს და მწვრთნელებს ყიდულობენ და ფულით ქაჩავენ ძირითადად. ან წესიერ მრჩეველებს და მცოდნე ხალხს მაინც პოულობენ მაგდენი ტვინი და სიბრძნეც აქვთ. ამას არა -არც ერთი არც მეორე არც მესამე იმდენი ფულიც არა აქვს და ნატირები გვაქ ყოფა. აქ საქართველოში, პატარა ქვეყნებში და დაბალ ბიუჯეტიან გუნდებში მაგარი მცოდნე და ნიჭიერი უნდა იყო რომ სწორად მართო გუნდი და წარმატებები დადო. ბათუმის დინამომ ხო დაამტკიცა რომ შესაძლებელია ეს საქართველოში, და ფიფიას კიდე რა გააკეთოს ვერ გაუგია დღემდე. თან ყავდა ბევრი კარგი მწვრთნელები რომლებიც არ უნდა გაეშვა მარა მაგდენის აზრზე არაა როგორც პატარა ფეხი დაუცდათ ეგრევე გაუშვა. მუშაობასაც არ აცლის, საერთოდ არაფრის აზრზე არაა და მაგიტომაა რომ დღემდე არაფერი არ უჭერია.
Bidzia.
09 ივლისი 2022 00:44
1
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

სიახლეები პოპულარული