სპორტული ჟურნალისტი და ტელეკომენტატორი ლევან სალუქვაძე ყოველთვის გამოირჩევა პირდაპირობით და დაუფარავად ამბობს სათქმელს...ამჯერად, მან სანაკრებო ბატალიები შეაფასა - ისრაელთან მარცხი და ოლიმპიადაზე მოხვედრის ხელიდან გაშვებული შანსი...
- ძალიან გულდაწყვეტილი ვართ, წავაგეთ პენალტების სერიაში... მაგრამ წავაგეთ არა ერთი მატჩი, არამედ წავაგეთ ოცნება... ოცნებების სასაფლაოა მთელი ქართული ფეხბურთის დამოუკიდებელი ცხოვრება. ჯერ ქინქლაძისა და არველაძეების თაობის გვჯეროდა, მერე იყო კიდევ სხვა გამონათებები...
მერე მაკედონიასთან მატჩის გვჯეროდა... მერე ამ თამაშის გვჯეროდა... თან ბოლო ორივე დიდი მატჩი თბილისში იყო, ჩვენს ხელში იყო ყველაფერი... მაგრამ
მე არ ვამბობ, რომ აუცილებლად მოვიგებდით, ასეთ რამეებზე ვერ გამომედავებით, მაგრამ უფრო მეტი შანსი გვექნებოდა, ხალხი რომ შეგვეშვა... მეორე იყო და, აგერ, ევროპის ჩემპიონატი, ოლიმპიადა... მთელი მსოფლიო აქ იყო, ჩვენ კი ორ საუკეთესო მოთამაშეს არ ვათამაშებთ...
მე არ ვიცი, ეს მოთამაშეების გადაწყვეტილება იყო, იმათი კლუბების, მენეჯერების, ფედერაციის, მწვრთნელების, სანიოლის თუ ვისი... არ მაინტერესებს...
მთავარი არის, ვისაც ეხებოდა ამის დარეგულირება, იმას უნდა ექნა ყველაფერი, რომ ამათ ეთამაშათ... როგორ მოხდებოდა? იმიტომ არის იქ ის ხალხი, იმიტომ მართავენ, რომ თვითონ უნდა იცოდნენ...
მესმის, რომ გადაწყვეტილება რთული მისაღები იყო, მესმის, რომ მე არ შემეკითხებოდა ვინმე, როგორ მოვქცეულიყავით და არც მაქვს ამის პრეტენზია, მაგრამ პრეტენზია იმაზე მაქვს, დამდგარ შედეგზე შეფასება გავაკეთო...
და ამ შედეგზე პასუხისმგებლობა აიღოს იმ ხალხმა, ვინც ეს გადაწყვეტილება მიიღო. და გითხრათ, რა შედეგი გაქვთ? - ოლიმპიადა გაცვალეთ კვიპროსის სამ ქულაში!..
თუ ეს არის თქვენი მენეჯმენტი, მაშინ ასე გააგრძელეთ. გაუფუჭეთ ხასიათი ყველას! გადაღლილი-გადმოღლილი... პატარა ბიჭები არიან და დალაპარაკებოდით... 20 წუთით რომ შემოსულიყვნენ ისრაელთან კვარაცხელია და მიქაუტაძე, გაარღვევდნენ შუაზე ისრაელის დაცვას და გავიდოდით...
თქვენც კარგად იცით, რომ ასეა, მაგრამ იხტიბარს არ იტეხთ. ვისი გადაწყვეტილებაც იყო, ახლა ეს კვიპროსის 3 ქულა სადაც გინდათ, იქ წაიღეთ. გავუშვით ხელიდან ოლიმპიადა და ევროპის ჩემპიონატი...
რომელი ჯობდა? ამას დიდი რაღაც არ სჭირდება, გააჩერეთ ხალხი ქუჩაში და ჰკითხეთ. ნახევარფინალი კი არა, ევროპის ახალგაზრდული ჩემპიონატის ფინალურ ეტაპზე გასვლა გაგვიხდება აუხდენელი ოცნება...
რატომ არ იყო სანიოლი ჯგუფური ეტაპის თამაშებზე? მთელი მსოფლიო აქ იყო ფეხბურთის საყურებლად... თბილისში იცხოვრებსო. თბილისში ცხოვრება იმიტომ კი არ მინდა, "შარდენზე" კაფეში დაჯდეს...
ნაკრების მწვრთნელი ამაზე უკეთეს ადგილას სად წავიდოდა? სხვა ქვეყანაში რომ ჩატარებულიყო, იქ წავიდოდი საყურებლად სანიოლის ადგილას...
ჯერ ერთი, 10 ფეხბურთელი ამ ნაკრებში ჰყავს, და მერე, ვინც არ არის, პოტენციურად ეროვნულ ნაკრებში მისაწვევია ხვალ და ზეგ... დაგიბერდათ იქ მოთამაშეები, ასაკში არიან... კანკავა რომ წავიდა, სხვები ნაკლები კი არ არიან ასაკით, უკვე მოდის მათი შეცვლის დრო და ამ ნაკრებიდან უნდა შეცვალოთ...
...და დიდი აფიშები - "სანიოლი ისრაელთან მატჩს დაესწრება". დიდი მადლობა! გქონდეთ ახლა კვიპროსის 3 ქულა და ვნახოთ, რაში გამოგადგებათ მაგ ჯგუფში, - თქვა ლევან სალუქვაძემ.
წყარო: Lelo
თუ, გვერჩია რომ ახლა ეთამაშა და მერე დაემთავრებია კარიერა?!!! სათადარიგოთა სკამზე ჯდომა, თუნდაც ტრბნებზე ყოფნა, არ არის ფეხბურთელისთვის დასვენება!!!!
მაინცდამაინც უნდა წაიქცეს თუ აღარ გვჭირდება ნაკრებში??!!! ხვიჩას რუსეთის 2021-2022 წწ ჩემპიონატის დაწყების შემდეგ არ დაუსვენია, ჩემპიონატების დაწყების დროიდან გამომდინარე. ანუ დაიწყო რუბინში 2021 წელს, იქიდან პირდაპირ ბათუმში. ჩემპიონატის ბოლოს გადავიდა ნაპოლიში და პირდაპირ შეკრებაზე. ანუ 2022 ში საერთოდ არ დაუსვენია. ახალგაზრდულში რომ ეთამშა, მორჩებოდა თუ არა აქ, ნაპოლიში მაგ დროს უკვე იწყება შეკრება და პირდაპირ იქ უნდა წასულიყო. ანუ 2021 წლის რუსეთის ჩემპიონატის შესვენების შემდეგ 2024!!!!! წლის ზაფხულამდე არ უნდა დაისვენოს, 22 წლის ბიჭმა, რომელსაც არც კუნთოვანი და არც ძვლოვანი მასა ბოლომდე ჩამოყალიბებული არ აქვს.
პატარა დატვირთვაზეც კი გარანტირებული ტრავმაა!!!
ყენია არანაკლებ ნიჭიერი იყო. 17 წლისა, ნაკრების ლიდერი იყო და შალკეში რაკიტიჩი სკამზე ჰყავდა დასმული, მაგრამ სამ ნაკრებში ერთდროულად თამაშმა და ზედმეტმა დატვირთვებმა დაუნგრიეს კარიერა. თვითონაც ამბობს ამაზე ინტერვიუში. გამოცდილება არ მქონდა და უარს არაფერზე ვამბობდიო. რაღაც არ მახსოვს თქვენი წუხილი "პატარა ბიჭს" ცუდად მოვექეცით და დავუნგრიეთ კარიერა და უკან დავხიეთ ქართული ფეხბურთიო.
აბა ნუგზარამ რა იცის ემოციურად გამოიფიტე თუ კუნთების მასა გაგეზარდა. გამოდი და ბოდიში მოუხადე ხალხს და ახსენი რატომ არ ითამაშე! თავიდანვე გეთქვა მიზეზი (ოღონდ რეალური) და თუ ფედერაციის ან სხვა თემა იყო, ეგეც გეთქვა. აბა ესე მოკუმულები ვიჯდეთ და ვუყუროთ როგორ ეხნება დე.. ქართულ ფეხბურთს? გამოდი და ილაპარაკე. ეგებ გაიძულეს არ გეთამაშა, ეგეც თქვი, თორემ დუმილი ნიშნავს, რომ ამათთან შეკრული ხარ ან მართლა ამჯობინე გარუჯვა ნაკრების სახელით თამაშს. შენც ხომ იცი, რომ ოლიმპიადა ფაიზაღი გვექნებოდა და დიიიდი შანსიც იყო იმისა, რომ ჩემპიონატი მოგვეგო? არ გინდა რიჟა ბაზარი!