დონეცკური გუნდის განაპირა მცველებმა, ირაკლი აზაროვმა და გიორგი გოჩოლეიშვილმა, შეუცვლელად და რაც მთავარია, კარგად ითამაშეს.
„მეშახტეები“ აზაროვის მიერ მოპოვებული საჯარიმოდან თავურით მატვიენკომ დააწინაურა. ბელგიურმა გუნდმა კონტრიერიშებით უპასუხა, მომენტებიც შექმნა, მაგრამ მოწოდების სიმაღლეზე იდგა მეკარე რიზნიკი. შემდეგ კარგი შანსი სუდაკოვმა ვერ გამოიყენა, რომელმაც ოდნავ ააცილა ბურთი კარს.
მეორე ტაიმში „ანტვერპენი“ გააქტიურდა. სწრაფი შეტევისას ბურთი ხარიხას ჯერ აზაროვმა გაარტყა, მერე კი სტეპანენკომ. ბელგიელებმა წნეხი გააძლიერეს. დონბასელებმა კონტრიერიშზე ორი შანსი ვერ გამოიყენეს. ბოლოს რიზნიკმა გადაარჩინა თავისი გუნდი და შეხვედრაც დასრულდა.
„შახტარი“ H ჯგუფში 9 ქულით მესამე ადგილზეა და პლეი-ოფში გასასვლელად 14 დეკემბერს, ბოლო ტურში გასვლაზე „პორტუს“ დამარცხება სჭირდება.
ჰამბურგი. „ფოლკსპარკშტადიონი“
შახტარი - ანტვერპენი 1:0
გოლი: მატვიენკო (12)
გაძევება: მუია (90+7, ანტვერპენი)
აზაროვმა და გოჩოლეიშვილმა ითამაშეს - "შახტარმა" ვერ მოიგო
![ჩემპიონთა ლიგა. VI ტური: "რეალმა" "ატალანტას" სძლია - მბაპემ ტრავმა მიიღო [VIDEO]](/pictures/image7/4caa969dc180155404fe5b4850b491d4.jpeg "ჩემპიონთა ლიგა. VI ტური: \"რეალმა\" \"ატალანტას\" სძლია - მბაპემ ტრავმა მიიღო [VIDEO]")
