Dynamomania-მ კიევის "დინამოდან" იჯარის წესით წასულ ფეხბურთელებზე წერილი გამოაქვეყნა, გიორგი წიტაიშვილის დაბრუნების და ტრანსფერის განხორციელების იმედი გამოთქვა:
"ივლისის დასაწყისში წიტაიშვილი ბათუმის "დინამოს" ფეხბურთელი გახდა. საქართველოში ჩემპიონატი გაზაფხული-შემოდგომის სისტემით ტარდება და პირველ ნახევარ წელში შეძლო ჩემპიონი გამხდარიყო. ყველა გოლი გიომ ბათუმურ გუნდში გასულ სეზონში გაიტანა, 2024 წელს კი უკვე 6 საგოლე გადაცემა გააკეთა და თავისი გუნდის საუკეთესო ასისტენტია.
რაც საინტერესოა - გიორგი უმეტესად მარცხენა გარემარბის პოზიციაზე თამაშობს. საქართველოს ნაკრებთან ერთად ევრო 2024-ზე გავიდა. ბათუმის "დინამოსთან" კონტრაქტით 2024 წლის 30 ივნისამდეა დაკავშირებული, შემდეგ კი
კიევის "დინამოში" უნდა დაბრუნდეს. 23 წლის მოთამაშეს კიეველთა დახმარება შეუძლია, თუმცა ყოფილმა უკრაინელმა ინტერვიუში განაცხადა, რომ უკრაინაში დაბრუნება იქამდე არ უნდა, სანამ ომია. გიორგის კიევის "დინამოსთან" ხელშეკრულება ძალაში 2025 წლის 30 ივნისამდეა და ამიტომ იმედი უნდა გვქონდეს, რომ ევროპირველობაზე თავს გამოიჩენს, ხოლო კიეველები ტრანსფერზე წინადადებებს მიიღებენ, რადგან უარეს შემთხვევაში ეს კიდევ ერთი იჯარა და კლუბიდან თავისუფალი აგენტის სტატუსით წასვლა იქნება".
![alt](/pictures/image50/dc1c98c0f98dde21b4033d9fb2dc64d8.jpg "Dynamomania: კიევის "დინამო" იმედი აქვს, რომ წიტაიშვილი ევრო 2024-ზე თავს გამოიჩენს და გაყიდიან")
უკრაინელი ჟურნალისტი: წიტაიშვილი კიევის "დინამოში" დაბრუნდება, მაგრამ...
![წიტაიშვილის საგოლე გადაცემა - კაცნაკლულმა "გრანადამ" სტუმრად "ეიბართან" ფრეს მიაღწია [VIDEO]](/pictures/image7/9fbd7adffe09d5d471d0d1e5836f7561.png "წიტაიშვილის საგოლე გადაცემა - კაცნაკლულმა \"გრანადამ\" სტუმრად \"ეიბართან\" ფრეს მიაღწია [VIDEO]")
![ეროვნული ლიგა. XXXV ტური. "დინამო" (ბთ) - "დილა" [LIVE]](/pictures/image7/7f8b36181a2855a107712cdd015b569e.jpg "ეროვნული ლიგა. XXXV ტური. \"დინამო\" (ბთ) - \"დილა\" [LIVE]")
