"პარი სენ ჟერმენის" ახალ მთავარ მწვრთნელს, მაურისიო პოჩეტინოს საკუთარი კლუბის რიგებში ლიონელ მესის ხილვა სურს. Le Parisien-ის მიხედვით არგენტინელ სპეციალისტს ლეგენდის გუნდში მიყვანას შეპირდნენ.
მესის გადმოსვლას ასევე ნეიმარის ფაქტორიც ამყარებს, რომელიც მისი ერთ-ერთი საუკეთესო მეგობარი და მოედანზე შეუდარებელი მეწყვილეა.
2021 წელს, მესის "ბარსელონასთან" კონტრაქტი გასდის, ფეხბურთელს კი კლუბთან მოლაპარაკებები ჯერ არ დაუწყია, რადგან საპრეზიდენტო არჩევნებს ელოდება და იმის მიხედვით მიიღებს გადაწყვეტილებას, განაგრძოს თუ არა კატალონიურ კლუბში მოღვაწეობას.
მესიმ ლა ლიგის ამ სეზონში 14 მატჩში 7 გოლის გატანა და 1 საგოლე გადაცემის შესრულება მოახერხა.
არგენტინელს პარიზში დარჩენა და ახალ მწვრთნელთან მუშაობა სურს
