ფეხბურთი

ტრანსფერი

"მილანმა" თვალი კოლუმბიელ ვარსკვლავს დაადგა

AutoSharing Option
ხამეს როდრიგესი კარლო ანჩელოტის "ევერტონიდან" წასვლის შემდეგ რთულ სიტუაციაში ჩავარდა. კოლუმბიელი ფეხბურთელით იტალიური "მილანია" დაინტერესებული, "როსონერი" მადრიდელებს 10 მილიონ ევროს სთავაზობს.

ხამესმა "ევერტონში" 1 სეზონი გაატარა, "რეალი" კი მის უკან დაბრუნებას აპირებს (იჯარის წესით ჰყავდა განათხოვრებული ინგლისში), როდრიგესს კი უკან ესპანეთში დაბრუნება აღარ სურს, რადგან "ბლანკოსში" სათამაშო პრაქტიკა არ აქვს.

რაფა ბენიტესის მერსისაიდულ გუნდში მოსვლის შემდეგ კოლუმბიელი შესაძლოა პრემიერ ლიგაში დარჩეს, თუმცა როგორც იტალიური Tuttosport იუწყება, "მილანს" ხამესის გადაბირება სურს. კოლუმბიელი ფეხბურთელი ჰაკან ჩალჰანოღლუს შემცვლელად განიხილება, შეგახსენებთ, თურქი ფორვარდი მიმდინარე
სატრანსფერო ფანჯრის დროს "ინტერში" გადაბარგდა.

"მილანს" გაძლიერება სჭირდება, რადგან რამდენიმე წლიანი ლოდინის შემდეგ გუნდი ჩემპიონთა ლიგაზე გავიდა, ხამესი კი იტალიელებისთვის კარგი ვარიანტი იქნება.

მომზადებულია marca-ს მიხედვით