მართლაც უსამართლობაა ჩემპიონთა ლიგის ფლეი-ოფში "ნაპოლისა" და "ნიცას" შეხვედრა, მაშინ როდესაც სხვა წყვილებში გაცილებით სუსტი მეტოქეები უპირისპირდებიან ერთმანეთს. მათმა თამაშმა ნეაპოლში უდიდესი ინტერესი გამოიწვია. როგორც წესი, "სან პაოლო" სანახევროდაც იშვიათად ივსება, ამჯერად კი 50 ათასი ტიფოზი მივიდა და მართლაც ლამაზი ფეხბურთი იხილა. მასპინძლები შეუსვენებლივ უტევდნენ, უდიდეს უპირატესობას ფლობდნენ, ფაქტიურად ცალკარას თამაში იყო, უამრავი მომენტიდან მხოლოდ ორი გამოიყენეს და მათგან ერთი ცოტა საეჭვო პენალტიდან, როდესაც კრისტოფ ჟალემ დრის მერტენსი საჯარიმოს ხაზზე მოცელა, თერთმეტმეტრიანი კი გოლად ჟორჟინიომ გარდასახა.
აღსანიშნავია, რომ სტუმრებს გუნდის
ნამატჩევს "ნაპოლის" თავკაცმა მაურიციო სარიმ შემდეგი განაცხადა:"იმის გათვალისწინებით, რომ სეზონი ახლა იწყება, მაქსიმუმი გავაკეთეთ. მომენტების რეალიზაცია გაგვიჭირდა. არაერთი მომენტიდან ოდენ ერთი გამოვიყენეთ. არც გაგვიმართლა, ბურთი ორჯერ ძელს მოხვდა.
ამ ეტაპზე შეგირდების გარჯით კმაყოფილი ვარ. ბოლო 10 წუთში მეტისთვის შეგვეძლო მიგვეღწია, მაგრამ მეტოქე უკეთესადაა ფიზიკურად მზად, რადგან რამოდენიმე ოფიციალური მატჩი ჩაატარა. მართალი გითხრათ, შემეშინდა ბოლოსკენ ფეხბურთელები არ დაღლილიყვნენ. არ მეგონა თუ მოწინააღმდეგე ხუთი მცველით ითამაშებდა".
