მადრიდის "რეალის" მარჯვენა მცველი დანიელ კარვახალი უეფას ჩემპიონთა ლიგაზე 2-მატჩიანი დისკვალიფიკაციით დაისაჯა. უეფას სადისციპლინო კომიტეტმა გამოძიების შედეგად დაადგინა, რომ "აპოელთან" მატჩში ახალგაზრდა ფეხბურთელმა შეხვედრის მიწურულს ყვითელი ბარათი გამიზნულად მიიღო, რათა ჯგუფური ეტაპის უკანასკნელი შეხვედრა გამოეტოვებინა და პლეი-ოფში მინდორზე დაბრუნებულიყო.
ჩემპიონთა ლიგის ჯგუფური ეტაპის უკანასკნელი მატჩი, რომელშიც "სამეფო კლუბი" დორტმუნდის "ბორუსიას" დაუპირისპირდა, კარვახალმა გამოტოვა. 25 წლის ესპანელი "რეალს" პლეი-ოფის პირველ შეხვედრაში ვერ დაეხმარება.
ჩემპიონთა ლიგის H ჯგუფში "რეალმა" 12 ქულით მე-2 ადგილი დაიკავა, პირველ პოზიციაზე კი 14 ქულით ლონდონის "ტოტენჰემი" გავიდა.
