ჩემპიონთა ლიგის 1/4-ფინალური ეტაპის განმეორებითი მატჩის წინ ჟურნალისტებს ტურინის "იუვენტუსის" მცველი ჯორჯო კიელინი ესაუბრა. "პირველი შეხვედრის განმავლობაში ანგარიშით 0:1-ზე გატანის ბევრი შანსი გვქონდა, რომელიც ვერ გამოვიყენეთ და შემდეგ 2 ბურთი საკუთარ კარში მივიღეთ.
ამ ყველაფერს კი პაულო დიბალას გაძევებაც დაერთო. ჩვენ არ ვაპირებთ, პანიკაში ჩავვარდეთ და მადრიდში კარგი თამაშის ჩასატარებლად ჩამოვედით.
წინ კიდევ ერთი 90 წუთია. შემდეგ ეტაპზე გასვლა? რატომაც არა, არავინ იცის, ფეხბურთში რა მოხდება", - აღნიშნა კიელინიმ.
