შეხვედრა ქუთაისელთა აქტიურობით დაიწყო, რამაც მალე შედეგი გამოიღო. შეხვედრის მეათე წუთზე მათე ცინცაძემ ლევან კუტალია მეკარესთან ერთი-ერთზე გადაიყვანა, მაგრამ კუტალიამ კარში დარტყმას გიორგი კუხიანიძისთვის პასის მიცემა არჩია, თუმცა კუხიანიძემ კარებში დარტყმა ვერ შეძლო.
მალევე როინ კვასხვაძემ კარებიდან ბურთი ცუდად გამოიტანა, რითიც მოლდოველებმა კარგი შეტევის წამოწყება შეძლეს, რაც საბოლოოდ ზიგუი ბადიბანგამ მეთოთხმეტე წუთზე გოლად აქცია.
თუმცა ქუთაისელებმა წონასწორობის აღდგენა 10 წუთში მოახერხეს, გრიგოლ დოლიძემ მეტოქის საჯარიმოში კარგი პასი გააკეთა, გიორგი ქიმაძემ კი მოლდაველთა მცველების შეცდომით ისარგებლა და 1:1!
პირველი ნახევრის დამთავრებამდე ქუთაისელებმა რამდენიმე სახიფათო მომენტი სტანდარტული მდგომარეობებიდან შექმნეს, თუმცა ანგარიში არ შეცვლილა.
მეორე ტაიმი ნელ ტემპში განახლდა, პირველი რეალური მომენტი 63-ე წუთზე შეიქმნა, როცა ვლადიმირ კოვაჩევიჩმა მეკარეს ცუდი პასი გაუკეთა, გიორგი ქიმაძემ კი მათი შეცდომით ისარგებლა, ბურთი ჩაჭრა, "შერიფის" მეკარემ კი მის წინააღმდეგ იუხეშა და პენალტი აიკიდა. თერთმეტმეტრიანი კი გიორგი კუხიანიძემ ზუსტად შეასრულა და "ტორპედო" 2:1 დააწინაურა.
"ტორპედომ" გოლის შემდეგ შეძლო ბურთის დაჭერა და მეტოქეს შეტევის შექმნის საშუალებას არ აძლევდა, მატჩის მიწურულს კი კუხიანიძეს მიეცა გოლის გატანის შანსი, რომელმაც ძლიერი დარტყმით სცადა მეტოქის კარის აღება, თუმცა მიკულიჩმა შესანიშნავი სეივი შემოგვთავაზა.
საბოლოოდ შეხვედრა ქუთაისელთა გამარჯვებით 2:1 დასრულდა. განმეორებითი შეხვედრა ერთ კვირაში ტირასპოლში გაიმართება.
"ტორპედო" (4-3-3): კვასხვაძე; გეგეჭკორი, კობახიძე (ხურცილავა 82'), აზაცკი, მარინი; გლინკა, კუჭუხიძე, ცინცაძე; დოლიძე (დაფე 61'), კუტალია, ქიმაძე (ტუღუში 77')
მწვრთნელი: კახა ჩხეტიანი
"შერიფი" (4-2-3-1): მიკულიჩი; შუშიჩი, კოვაჩევიჩი, კულუშიჩი, კრისტიანო; პალიჩი, კენდიში; როდრიგესი (ბოიჩუკი 79'), კაპიჩი (ჯო სანტოსი 67'), ბადიბანგა; კამარა
მწვრთნელი: გორან საბლიჩი
მსაჯი: ალექსანდარს გოლუბევსი (ლიეტუვა)
![alt](/pictures/image50/26a503eb09009d9e2d934c8e7724029e.jpg "არის! ქუთაისის "ტორპედომ" ტირასპოლის "შერიფი" დაამარცხა")
კახა ჩხეტიანი: შეიძლება შემდეგი შეხვედრისთვის თავდამსხმელის დამატებაც მოესწროს
![alt](/pictures/image50/f764f4b4fb3b86012584a57bfa5e2856.jpg "არის! ქუთაისის "ტორპედომ" ტირასპოლის "შერიფი" დაამარცხა")
"შერიფის" მწვრთნელი: ჩვენ შეგვიძლია უკეთესი შედეგის დადება და ამას გავაკეთებთ!
![alt](/pictures/image50/151314d194cb82cb864d6b158901e0fe.jpg "არის! ქუთაისის "ტორპედომ" ტირასპოლის "შერიფი" დაამარცხა [VIDEO]")
გიორგი ქიმაძე: ჯერ არაფერი გადაწყვეტილა![alt](/pictures/image50/be6d20728f81645c7130ab4a17241da8.jpg "არის! ქუთაისის "ტორპედომ" ტირასპოლის "შერიფი" დაამარცხა [VIDEO]")
მათე ცინცაძე: გასვლაზეც ისე უნდა ვითამაშოთ, როგორც დღეს
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
