13 მარტს, ჩემპიონთა ლიგის განმეორებით 1/8-ფინალურ მატჩში "მანჩესტერ სიტიმ" "შალკე გაანადგურა (7:0) და გათამაშების შემდეგ ეტაპზე გავიდა.
სტუმრად 3:2 მოგების შემდეგ გვარდიოლას გუნდს პრაქტიკულად განაღდებული ჰქონდა მეოთხედფინალში გასვლა. ასეც მოხდა. უკვე პირველ ტაიმში სამი უპასუხო გოლი გაუტანეს "ქალაქელებმა" ფერმანს და ყველაფერი დასრულდა.
დუბლი აგუერომ შეასრულა, რომელმაც მიმდინარე სეზონში 25 გოლი გაიტანა. მან უკანასკნელი 8 სეზონიდან 7-ში 25 და მეტი გოლი გაიტანა.
მეორე ტაიმში "სიტიმ" კიდევ 4-ჯერ დალაშქრა მეტოქის კარი და არასაფეხბურთო ანგარიშით სძლია.
"შალკემ" ყველა ტურნირზე ზედიზედ მე-5 შეხვედრა საერთო ანგარიშით 4:21 წააგო და მისი მოუგებელი სერია 7 მატჩს შეადგენს.
ასეთი გამანადგურებელი ანგარიშით ამ ტურნერზე აქამდე არც ერთი გერმანული გუნდი არ დამარცხებულა.
7 წლის შემდეგ მეოთხედფინალში 3 ინგლისური გუნდი გავიდა და შეიძლება მეოთხეც გავიდეს, თუ "ლივერპულმა" "ბაიერნს" მოუგო.
მანჩესტერი. "ეტიჰადი". 51 518 მაყურებელი
მანჩესტერ სიტი - შალკე 7:0
გოლები: 1:0 აგუერო (35, პენ), 2:0 აგუერო (38), 3:0 ლ. სანე (42), 4:0 სტერლინგი (56), 5:0 ბერნარდო სილვა (71), 6:0 ფოდენი (78), 7:0 გაბრიელ ჟეზუსი (84)
მანჩესტერ სიტი: ედერსონი, დანილო, ლაპორტი (დელფი 72), უოკერი, ზინჩენკო, გიუნდოგანი, დავიდ სილვა (ფოდენი 64), ბერნარდუ სილვა, სანე, აგუერო (გაბრიელ ჟეზუსი 64)
შალკე: ფერმანი, სანე, სტამბული, ბრუმა, კონოპლიანკა, ოჩიპკა, სერდარი, ბენტალები, მაკენი (მენდილი 74), ემბოლო (სკრჟიბსკი 69), ბურშტალერი (ტეუჩერტი 79)
![ჩემპიონთა ლიგა. 1/4-ფინალი: დიდი მატჩები - "რეალმა" "სიტის", ხოლო "ბაიერნმა" "არსენალს" სძლია [VIDEO]](/pictures/image7/515b8298bc3e954e19bbd6aeee36feff.jpg "ჩემპიონთა ლიგა. 1/4-ფინალი: დიდი მატჩები - \"რეალმა\" \"სიტის\", ხოლო \"ბაიერნმა\" \"არსენალს\" სძლია [VIDEO]")
