ჩემპიონთა ლიგის ნახევარფინალში ერთმანეთს "ბარსელონა" და "ლივერპული" შეხვდებიან.
როგორც მერსისაიდელთა ჰოლანდიელმა ცენტრალურმა მცველმა ვირჯილ ვან დეიკმა განაცხადა, არ იცის, როგორ უნდა შეაჩეროს ლიონელ მესი.
"დარწმუნებული ვარ, შესანიშნავი მატჩები გამოვა. ბედნიერები ვართ, რომ ნახევარფინალში ისევ გავედით. როგორ უნდა გავაჩერო ლიონელ მესი? არ ვიცი, ვნახოთ.
ყველა საქმეს ერთად ვაკეთებთ. მე არასდროს ვარ თავდამსხმელის წინააღმდეგ მარტო.
"ბარსელონასთან" მატჩზე ჯერ არ ვფიქრობთ, წინ "კარდიფთან" შეხვედრაა", - განაცხადა ჰოლანდიელმა მცველმა.
"ბარსელონასა" და "ლივერპულის" პირველი შეხვედრა პირველ მაისს, "კამპ ნოუზე" გაიმართება.
ჟოზე მოურინიო: ლიონელ მესი მოედანზე 
იურგენ კლოპი: "ბარსელონას" პირველად დავუპირისპირდები, მოუთმენლად ველოდები მომავალ მატჩებს
