"ლივერპულის" ნახევარმცველმა ჟორჟინიო ვეინალდუმმა eurosport-თან საუბრისას გაიხსენა, თუ რა გააკეთა იურგენ კლოპმა 2018 წელს "რეალის" წინააღმდეგ კიევში გამართული ჩემპიონთა ლიგის ფინალის წინ.
"თამაშამდე ბოლო დარიგებების მოსაცემად გასახდელში შემოვიდა. უცნაურად გამოიყურებოდა, შორტებზე პერანგი ეცვა. შევამჩნიეთ, რომ შორტებზე რაღაც სიმბოლო იყო. შემდეგ პერანგი შორტებში ჩაიკეცა და დავინახეთ, რომ კრიშტიანო რონალდოს შორტები ეცვა. როცა პერანგი კარგად გაისწორა და ლაპარაკი დაიწყო, გასახდელში მყოფი ყველა ადამიანი იატაკზე ვიწექით და ვხარხარებდით. ამან თამაშის წინ ნერვიულობის ტემპერატურა დააგდო. როგორც წესი, ასეთ დროს ყველა სერიოზული და მობილიზებულია, ის
კი ჩვეულებრივად იყო და ხუმრობდა", - განაცხადა "ლივერპულის" ნახევარმცველმა.
აღნიშნულ ფინალში "ლივერპული" მადრიდის "რეალთან" 1:3 დამარცხდა. ინგლისელებმა პირველ ტაიმში გუნდის ლიდერი - მოჰამედ სალაჰი დაკარგეს, ხოლო კლუბის მეკარე ლორის კარიუსმა 2 უპატიებელი შეცდომა დაუშვა.
იურგენ კლოპი სუპერფინალში ქალის მსაჯობაზე: დედა რომ არ გამიბრაზდეს, კარგად უნდა გამოვიყურებოდე
იურგენ კლოპმა ინგლისური ენის მარტივად სწავლის მეთოდი გაამხილა
![ასე დასცინეს გვარდიოლას "ტოტენჰემის" ფანებმა - გვარდიოლამ სამწვრთნელო კარიერაში ყველაზე ცუდი შედეგი დააფიქსირა [VIDEO]](/pictures/image7/dae53d15a7ea3ed2658a0515f50a9770.png "ასე დასცინეს გვარდიოლას \"ტოტენჰემის\" ფანებმა - გვარდიოლამ სამწვრთნელო კარიერაში ყველაზე ცუდი შედეგი დააფიქსირა [VIDEO]")
