"ბარსელონა" დორტმუნდში, "ლივერპული" ნეაპოლში - დღეს ჩემპიონთა ლიგა იწყება

"ლიონი" - "ზენიტი"

"ლიონი" და "ზენიტი" ჩემპიონთა ლიგაზე აქამდე ერთმანეთს სულ 2-ჯერ შეხვდნენ და 2015/16 წლების სეზონში გამართული ორივე შეხვედრა რუსული კლუბის გამარჯვებით დასრულდა (3:1, 2:0). შარშანდელ სეზონში "ლიონმა" შეძლო ჩემპიონთა ლიგის 1/8-ფინალში გასვლა, სადაც "ბარსასთან" ორ მატჩში დამარცხდა (0:0, 1:5). იგივე შედეგი ჰქონდა "ზენიტს" ევროპა ლიგაზე, სადაც რუსული გუნდი ორი მატჩის ჯამში "ვილიარეალმა" გამოაგდო (1:3, 1:2).

• "ლიონი"

ფრანგულ კლუბს "ბარსელონას" ყოფილი ფეხბურთელი სილვინიო წვრთნის. მისი ხელმძღვანელობით, კლუბმა არა მხოლოდ ჩემპიონთა ლიგის 1/8-ფინალში გასვლა შეძლო, არამედ შარშანდელი სეზონის პირველ ტურში გასვლაზე "მანჩესტერ სიტი" 2:1 დაამარცხა. ეს "ლიონის" ერთადერთი გამარჯვება იყო ჩემპიონთა ლიგის 2018/19 წლების სეზონში.

ზაფხულის სატრანსფერო ფანჯრისას კლუბმა 3 მნიშვნელოვანი ფეხბურთელი დაკარგა - ნაბილ ფეკირი, ფერლანდ მენდი და ტანგი ნდომბელე. თუმცა "ლომებს" ახლაც ჰყავთ ისეთი ფეხბურთელები, რომლებსაც მოწინააღმდეგე გუნდისთვის პრობლემების შექმნა შეუძლიათ - მემფის დეფაი, მუსა დემბელე და ახალგაზრდა, 21 წლის ჰუსემ ოარი.

სავარაუდო შემადგენლობა: ლოპეში, ტეტე, დინაიერი, ანდერსენი, დუბუა, მენდეში, ტუსარი, ოარი, ტრაორე, დეფაი, დემბელე

• "ზენიტი"

რუსული კლუბის მთავარი მწვრთნელი ანდრეი სემაკი გახლავთ. მისი ხელმძღვანელობით, კლუბმა "რუსეთის" ჩემპიონის ტიტული მოიპოვა. ეს გასული სეზონის ყველაზე მნიშვნელოვანი მიღწევა იყო მათთვის.

წელს "ზენიტმა" ხმაურიანი ტრანსფერი განახორციელა და "ბარსელონადან" მალკომი იყიდა. თუმცა, ბრაზილიელის გარდაც, რუსებს ჰყავთ გამორჩეული ფეხბურთელები - არტიომ ძიუბა, ბრანისლავ ივანოვიჩი, მატიას კრანევიტერი.

სავარაუდო შემადგენლობა: ლუნიოვი, ივანოვიჩი, რაკიცკი, სანტოსი, კუზაევი, ბარიოსი, აზდოევი, ჟირკოვი, აზმუნი, ძიუბა

მატჩი თბილისის დროით 20:55 საათზე დაიწყება.

"ინტერი" - "სლავია"

• "ინტერი"

"ინტერი" სეზონის წინ საკმაოდ გაძლიერდა. მხოლოდ რომელუ ლუკაკუსა და ალექსის სანჩესის ტრანსფერები არის საკმარისი. შესანიშნავ ფორმაშია არგენტინელი ლაუტარო მარტინესი.

• "სლავია"

"სლავიას" ცნობილი და ზოგადად, გამორჩეული ფეხბურთელები არ ჰყავს. გუნდის საუკეთესო ფეხბურთელი ჩეხეთის ნაკრების ნახევარმცველი ტომაშ სოუჩეკი გახლავთ.

• დორტმუნდის "ბორუსია"

პაკო ალკასერმა მიმდინარე სეზონის ყველა ჩატარებულ შეხვედრაში გაიტანა გოლი და დიდი მოტივაცია ექნება, თავისი ყოფილი კლუბიც დაამწუხროს.

• "ბარსელონა"

მატჩის წინ "ბარსელონასთან" დაკავშირებით ორი მთავარი კითხვაა: ითამაშებე თუ არა ლიონელ მესი და 16 წლის ფატი, რომელიც მოედანზე გასვლის შემთხვევაში ჩემპიონთა ლიგის რეკორდს დაამყარებს და გახდება ამ ტურნირის ისტორიაში ყველაზე ახალგაზრდა ფეხბურთელი.

"ნაპოლი" - "ლივერპული"

ამ შეხვედრაში ერთმანეთს არც ისე უცნობი კლუბები შეხვდებიან. ნეაპოლელები და ლივერპულელები შარშანდელი სეზონის ჯგუფურ ეტაპზეც შეხვდნენ ერთმანეთს და ორივე შეხვედრაში მასპინძლებმა ერთნაირი ანგარიშით მოიგეს - 1:0. ორივე გუნდი ჯგუფის ფავორიტად ითვლება, რადგან მათთან ერთად "გენკი" და "ზალცბურგი" მოხვდნენ. ამიტომ, დღეს, წესით, ჩაკეტილი თამაში არ უნდა ვიხილოთ და 1 გოლზე მეტიც უნდა გავიდეს.

• "ნაპოლი"

"ნაპოლის" დღევანდელ შეხვედრაში პოლონელი ფორვარდი არკადიუშ მილიკი დააკლდება, რომელმაც სერია A-ში ორივე შეხვედრა გამოტოვა. ანჩელოტის შეტევაში ლორენცო ინსინიესა და დრის მერტენსის იმედი ექნება. კლუბში ახალგადმობარგებული ფერნანდო ლორენტე, ალბათ, სათადარიგოთა შორის იქნება.



სავარაუდო შემადგენლობა: ადრიანი, ალეკსანდრ-არნოლდი, მატიპი, ვან დაიკი, რობერტსონი, ფაბინიო, ჰენდერსონი, ვაინალდუმი, სალაჰი, ფირმინო, მანე

"აიაქსი" - "ლილი"

• "აიაქსი"

ამსტერდამულმა კლუბმა ზაფხულის სატრანსფერო ფანჯრის დროს ფრენკი დე იონგი და მატიას დე ლიხტი დაკარგა. როგორც ჩანს, ეს ფეხბურთელები გუნდისთვის იმაზე მეტად მნიშვნელოვანნი იყვნენ, ვიდრე ჩანდა. ჩემპიონთა ლიგის 2 ეტაპი "აიაქსმა" საკმაოდ რთულად განვლო და როგორც ბერძნულ აეკ-თან, ისე კვიპროსულ "აპოელთან" ძალიან გაუჭირდა.


"ლილმა" საფრანგეთის ლიგა 1-ში დაკავებული მეორე ადგილის შემდეგ თავისი მთავარი ვარსკვლავი ნიკოლა პეპე დაკარგა და წესით, წელს ისეთი ძლიერი ვეღარ უნდა იყოს. თუმცა ფრანგებმა "შარლერუადან" 20 წლის ნიგერიელი ვიქტორ ოსიმენი იყიდეს, რომელმაც საფრანგეთის ჩემპიონატი შესანიშნავად დაიწყო და 5 ტურში 5 გოლი გაიტანა. მთავარი საფრთხე ამსტერდამელებისთვის სწორედ ის იქნება.