"პარი-სენ-ჟერმენის" მთავარმა მწვრთნელმა, გერმანელმა თომას ტუხელმა განაცხადა, რომ დიდი ხანია, მადრიდელთა თავდამსხმელ ქარიმ ბენზემას ადევნებს თვალს და მოახლოებულ თამაშში მისი ძალიან ეშინია.
"ის ისე თამაშობს, თითქოს 25 წელია მადრიდის "რეალშია", - დაიწყო ხუმრობით ტუხელმა.
"მე კიდევ ერთხელ ვნახე ის "ლევანტეს" წინააღმდეგ და მინდა გითხრათ, რომ ბენზემა ძალიან საშიშია. ის ერთ-ერთი ყველაზე დაუფასებელი ფეხბურთელია მსოფლიოში.
ის ტოპ-კლასის თავდამსხმელია, მისი დაცვა ძალიან რთულია. ამის მიზეზი ის გახლავთ, რომ ის მხოლოდ 9 ნომრად არ თამაშობს. ის გადის ფლანგზე, იწევს ქვევით, ის მთელ მოედანზე
მოძრაობს.
ის ძალიან მაღალი ხარისხის ფეხბურთელია. ქარიმს შესანიშნავი პასები აქვს, კარგად თამაშობს თავით, მეტი რაღა უნდა ვთქვა?" - აღნიშნა თომას ტუხელმა.
პსჟ და მადრიდის "რეალი" დღეს, 18 სექტემბერს დაუპირისპირდებიან ერთმანეთს ჩემპიონთა ლიგის ჯგუფური ეტაპის პირველ ტურში. მატჩი პარიზში გაიმართება და ის 23:00 საათზე დაიწყება.
მომზადებულია marca-ს მიხედვით
ჩემპიონთა ლიგა. ჯგუფური ეტაპი. I ტურის წინ: ცხელი საღამო პარიზსა და მადრიდში
ბენზემას დუბლი, აზარის დებიუტი - "რეალმა" "ლევანტეს" მოუგო [VIDEO]
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
