ჩემპიონთა ლიგის ჯგუფური ეტაპის პირველ ტურში პსჟ-სთან დამარცხება (0:3) "რეალის" მწვრთნელმა ზინედინ ზიდანმა შემდეგნაირად ახსნა.
"ბევრი ორთაბრძოლა წავაგეთ, ეს კი პსჟ-სთან ამოცანის შესრულებაში ყოველთვის გიშლის ხელს. პარიზელებს კარგი გუნდი ჰყავთ, მომენტები შექმნეს, მაგრამ მე ეს არ მაღელვებს. მაღელვებს ჩემი გუნდის ცუდი თამაში, რომელიც არ იყო იმ დონისა, რასაც ტურნირი და ასეთი მეტოქე მოითხოვს.
პარიზელებმა ყველაფერში დაგვჯაბნეს. ყველაფერზე უფრო ეს მაღიზიანებს. ვიცოდით, ჩვენზე ზეწოლას განახორციელებდნენ, მაგრამ ამისათვის საერთოდ არ ვიყავით მზად.
როგორც წესი, ბევრ მომენტს ვქმნით. დღეს ორი გოლი გაგვიუქმეს, თუმცა
ამის გათვალისწინებითაც მცირე შანსი გვქონდა. მოგება ყველას დამსახურებაა, წაგებაშიც ყველაა დამნაშავე. ინტენსიურობა გვაკლდა", - განუცხადა ზიდანმა უეფას საიტს.
თომას ტუხელი: ჩემპიონთა ლიგის მოგებაზე არ მკითხოთ, თორემ ავდგები და წავალ
![ბელინგემს დიდებული გემოვნებაც ჰქონია - აი, ასეთი ლაურა ჰყავს ჯუდს [PHOTO]](/pictures/image7/e1989fba3aa72fc932e5745d76e1d573.jpg "ბელინგემს დიდებული გემოვნებაც ჰქონია - აი, ასეთი ლაურა ჰყავს ჯუდს [PHOTO]")
